Tourism Corporation Bonaire
(TCB) a kuminsá yama bon biní na nos bishitantenan ku ta yega riba buelonan grandi
internashonal for di Miami, Atlanta, Houston i Amsterdam. Esaki TCB ta hasi ku músika
lokal i modelonan den trahe tradishonal ku ta parti regalo komo rekuerdo di Boneiru.
E aña akí durante e luna di turismo, riba tur djasabra TCB lo ta presente na aeropuerto pa
saludá nos bishitantenan i gradisí nan ku nan a skohe Boneiru komo nan destinashon pa
vakansi.
E aña akí a skohe pa ‘label’ pa ekipahe ku e logo di Boneiru komo regalo pa e bishitantenan
ku ta yega. Tin ‘label’ blou kla ku flamingo, un lora i un palu di kibrahacha, tur poné tras di
un kurá di kadushi. E ‘label’-nan blou skur ta enfoká mas riba nos mundu bou di laman, ku
koral, un karkó, un gutu i un turtuga ku ta landa banda di un grupo di piská.
For di e luna akí e ‘label’-nan di ekipahe akí ta na benta tambe na Ofisina di Turismo. Pasa
buska di bo, awor ku nan ta den stòk ainda.
