Business mixer KVK Pa conecta cu comerciantenan

Recientemente Camara di Comercio (KvK) a tene un Business Mixer pa trece comerciante di diferente sector hunto pa conecta cu otro, intercambia idea y explora posibel colaboracion.

Cu e meta pa stimula aliansa strategico, KvK a invita comerciantenan representando un variedad di sector pa un encuentro ameno y mantene combersacion significante, comparti conocemento y establece relacion valioso den un atmosfera casual y dinamico. Discussionnan tocante tendencianan actual, desafionan, y bon practica por ta beneficioso pa individuonan y companianan cu ta busca keda informa y competitivo.

E Business Mixer a tuma lugar na 5 O’clock Par & Chill acompaña pa algun snacks y bebida mientras e invitadonan a haci uso di e diferente sport virtual disponibel como atraccion. 

 KvK ta gradici tur invitado cu tabata presente pa a contribui cu un sesion di networking exitoso y tambe na e team di 5 O’clock Grill & Bar pa e bon servicio. KvK a keda contento cu e concepto y resultado di e encuentro aki y lo sigui organisa mas Business Mixers pa asina duna e oportunidad na mas comerciante pa asisti y haci uso di e encuentronan aki unda cu mas cu claro ta un momento pa conecta tambe cu miembronan di directiva di KvK presente y sigui stimula colaboracion, inovacion y crecemento den comunidad empresarial.