Featured Bonaire

Caribbean Shark Coalition ta organisa e prome tayer regional pa mehora ciencia y conservacion di tiburon


Caribbean Shark Coalition (CSC) ta organisa e prome tayer regional na St. Maarten di dia 12 pa dia 16 di september di aña 2022. E meta di e tayer ta pa proporciona capacitacion den campo y pa apoya e metanan a largo plazo pa desaroya capacidad di ciencia di tiburon y raya, y conservacion den e region di Gran Caribe.  Mas di 20 participante consistiendo di cientifico, sambuyado, conservacionista, funcionario gubernamental, studiante y gerente di parke marino lo asisti, representando 12 diferente pais di henter Caribe.

Coalicion di Tiburon di Caribe

Caribbean Shark Coalition (CSC) tabata cofunda pa Dutch Caribbean Nature Alliance (DCNA) y Beneath the Waves (BTW) na aña 2020 como contesta na yamada internacional pa mehora e esfuersonan colaborativo di conservacion di tiburon y raya den region di Gran Caribe. E miembronan di CSC ta representa un coleccion di experto di NGOs, comunidad local, organisacion intergubernamental y gobierno, academia y instituto di politica cu ta traha hunto pa avansa estudio y conservacion di tiburon y raya di Caribe.

Enfoke di e tayer

A traves di e tayer, CSC tin como meta conscientisa tocante presencia y importancia di tiburon y raya den Caribe. E miembronan di e Coalicion Caribeña di Tiburon ta bay siña diferente metodo di recoleccion di referencia pa prepara, compronde y informa otro tocante e efectividad di nan areanan di parke marino unda tiburon y raya ta proteha. Otro meta importante di e tayer ta pa genera dato cientifico pa apoyo e esfuersonan di promocion pa mehora e maneho di tiburona lo largo di e coredonan migratorio di varios especie di tiburon. CSC ta stimula cooperacion internacional y intercambio di dato, cu ta esencial pa proteha eficazmente e especienan transfronteriso.

E participantenan lo ricibi capacitacion den campo y lo siña con pa crea y establece drum lines pa tag tiburon, e ekipo necesario pa captura, manipula y libera animal di manera sigur, colecciona data, muestra y maneho di dato, y capacitacion di uzo di stacion di video baited remote bou di awa. Ademas, e participantenan lo siña tocante e beneficionan di metodologia adicional manera extraccion di sedimento, uzo di receptor acustico y analisis di ADN ambiental pa construi un base di dato mas solido di habitat y biodiversidad. E capacitacion den campo lo ta na encargo di Dr. Oliver Shipley (BTW) y Tadzio Bervoets (DCNA).

Importancia pa otro isla di Caribe

E tayer aki ta un ehercicio den colaboracion, fomentando relacion necesario pa brinda apoyo, guia, conseho y recurso, di forma virtual y presencial, pa futuro investigacion. Na final di e tayer, CSC ta desea cu tur participante lo bolbe bek nan pais di origen cu experiencia practico y di bida real y capacitacion pa investigacion di conservacion di tiburon, y es herment y orientacion necesario pa establece nan mes proyecto di investigacion.

“Tiburon y raya ta hunga un papel clave den mantencion di ekilibrio y biodiversidad dentro di e ecosistemanan marino local y regional”, Dr. Oliver Shipley, cientifico investigado senior di BTW ta comparti. “Nan proteccion ta fundamental pa un futuro fuerte y saludabel den region di Gran Caribe”.

Tadzio Bervoets, Director di DCNA ta agrega “cu e tayer regional aki, nos ta spera di fomenta e colaboracion necesario pa identifica necesidad y proporciona recurso pa tur stakeholder traha hunto no solamente pa conservacion di tiburon y raya, sino di Gran Caribe como un totalidad.”

E tayer ta coordina pa DCNA y BTW y ta posibel danki na financiacion di Blue Marine Foundation, World Widi Fund for Nature (WWF-NL) y apoyo operativo di GoPro for a Cause.

Related posts

Situacion finansiero na St Maarten no ta di gaba

EA News Author

Parlamentario Richard Arends (AVP) Ainda gobierno mester fia 525 miyon florin

EA News Author

Anuncio importante di bijstand

EA News Author

Leave a Comment