E aña aki un biaha mas lo tuma luga e actividad di plan vacacional crea exclusivamente p’e programa “Buki di Pret”. Esaki ta un Proyecto Multidisciplinario“Carousel di Expresion, Talento y Creatividad”. E fecha di actividad lo ta diadomingo 28 di Juli 2024, cuminsando pa 10 ‘or di mainta te 3 ‘or di atardi na John F. Kennedy Education Center. E tema e aña aki color. Tur mayor cu ta desea pa nan yiu forma parti di e proyecto aki por acudi libremente desde diabierna 19 di juli proximo na Departamento di Cultura situa na John F. Kennedy Education Center y inscribi nan yiu pa asina nan tin e oportunidad di un experiencia inolvidabel den un mundo yen di color. E rekesitonan pa participa den e programa aki ta paña comodo y bieuw cu por verf riba dje, serbete, un boter cu awa. Ademas mester di un paña limpi pa e mucha por cambia na final. Pa 2’or di atardi pa clausura e tayer, lo tin un presentacion pa tur mayor di parti di e muchanan participante.
