Prepara pa un anochi di talento, energia electrico y competencia fuerte—Cas di Cultura su Battle of the Bands ta bek y ta cla pa sende e escenario na Paseo Herencia riba diaranson, 29 di mei pa 7:30.
E aña aki, cuater banda local ta bai competi cu nan propio style y nan propio historia pa conta cu ta The 1986, Lurk, Medicis, y Slow People, Fast Food. Nan lo bai participa den un bataya musical pa mas di 3,000 florin na premio. Aruba por spera riffnan dinamico, vocalisacion poderoso y presentacionnan inolvidabel.
Agregando na e emocion di e anochi, e ganadonan di aña pasá, Circle of Fifth, lo regresa riba e escenario cu un presentacion.
Battle of the Bands ta pa celebra arte musical local, e spirito di comunidad y e futuro di e escena musical di Aruba. Nos ta hasi un yamada na tur amante di musica pa sali y sostene nos talento local.
Carchinan ta obtenibel na Cas di Cultura, Plaza Book Shop, y riba Pay.aw. Pa mas informacion tocante Battle of the Bands, bishita www.casdicultura.aw, sigui nos riba nos rednan social, of tuma contacto cu nos na 582-1010.
