Desde siman pasa diaranson Recherche Santa Cruz (DAR-4) a detene e homber di inicial B.E.J.M. naci na Aruba di 37 aña di edad relaciona cu e caso di asesinato di Sergio Maduro cu a tuma lugar dia 24 december 2023. Ayera recherche di Santa Cruz a detene e dama di inicial J.R.G. naci na Aruba di 39 aña di edad. Recherche di Santa Cruz niun dia a stop di investiga y poco poco a haya suficiente informacion y prueba pa Ministerio Publico por duna orden pa detene e dos persona nan aki riba menciona.
Un tremendo trabao di recherche nan di Santa Cruz cu a traha incansablemente pa pone man riba e sospechosonan. Cu esaki tambe recherche di Santa Cruz ta resolve e caso aki!
KPA ta haci un apelacion esnan cu sa algo of mira algo yama e tiplijn di polis cu ta 11141. Bo anonimidad ta keda garantisa.
