Celebracion Dia di Prensa cu atencion pa conmemoracion pasado di sclavitud

Como wardado di democracia prensa tin un rol crucial den nos comunidad. Prome di september ta Dia di Prensa y na Boneiro  e momento pa expresa nos gradicimento na prensa a tuma luga di un manera diferente. E aña aki e celebracion ta pone atencion na pasado di sclavitud. Riba invitacion di Rijksdienst Caribisch Nederland (RCN). Roland Colastica a presenta su arte “Verlangen” (Deseo).

Roland Colastica ta un escritor, autor y docente na Corsou. E ta haci uzo di teatro pa traha un brug entre dos mundo cu tin hopi diferencia, pero tambe hopi similaridad cu otro. Paso aunke distancia fisico entre Hulanda y e parti Caribense di Reino ta grandi, comprension si no conoce distancia.

‘Verlangen’ (Deseo) ta trata di efecto di e pasado di sclavitud awendia. Pa medio di naracion, canto y actuacion ta hiba e bishitante den e mundo di pensamento y sintimento di un hende cu a experencia e dolor di sclavitud y kico esaki a y te ainda ta haci  cu ne.

E actuacion a origina for di propio trabou di Colastica, tradicion oral y literatura y ta trata e deseo pa ta liber, e deseo di ta igual y e deseo di tin mesun posibilidad materialistico cu e hende blanco. Paso catibo tambe tabatin soño, y e unico cos cu e doñonan di catibo no por a kita for di dje tabata e soñonan aki. Den su presentacion, ademas di deseo, ta trata tambe confiansa, honestidad, igualdad y ta igual.

Despues di e presentacion a sigui un dialogo cu prensa presente. E presentacion a laga un impresion atras, a duna hopi cos pa pensa riba dje y a exigi auto-reflexion y  esaki ta e motibo pa kico e departamento di comunicacion di RCN a scoge pa e presentacion aki. Duna mas informacion y comprension tocante e mundo di pensamento y sintimento di hende cu di un forma of otro a keda marca pa e pasado di sclavitud. Pa uza e informacion aki pa bay den dialogo cu otro tocante pasado di sclavitud cu un mente habri pa opinion y idea di otro.