Local

Choco Glam di Aruba tin e regalo perfecto Dia di San Valentin


ORANJESTAD, Aruba

Choco Glam ta e regalo pa bo ser stima e temporada aki. Dia di San Valentino ta asercando, un fecha cu na Aruba ta celebra grandemente.
San Valentin no ta solamente un dia pa pareha, pero e ta un dia pa celebra amor y amistad. P’esey Choco Glam, cu ta un compania 100% Arubiano tin regalo den tur forma di chuculati.
Pa e ocasion special aki nan ta presenta diferente tipo di chuculati, scur y blanco, den diseñonan chikito hinca den “bars” cu strik rond di dje. Un bunita regalo pa un persona cu ta traha den oficina. E ta pone riba su mesa y por disfruta di dje riba San Valentine Day.
Ademas di esaki, nan tin chuculati den forma di fruta (tamaño chikito) y cubri pa un color special. Por ehempel un strawberry di chuculati color cora. E sabor ta garantisa di ta na agrado.
E chuculati Choco Glam ta un bunita regalo pa esnan vegan. E no tin lechi ni sucu den dje. Pues specialmente pa Diabeticonan y deportistanan. E ta un chuculati natural y no ta afecta salud, mirando su contenido.
Un di e bunita regalonan cu nan tin special pa e temporada aki ta un bouquet di flor, pero di chuculati. Den pasado cu a presenta e regalo aki, el a cay masha na agrado di e clientenan.
E chuculatinan ta produci cu diferente sabor y produci aki na Aruba. Ta garantisa cu e ta 100% natural. Nan sabor ta unico y ta un treat special pa cada ocasion of como un regalo, ya cu nan ta glamorosamente decora pa duna un toke special.
Nan sede ta situa na Boegoeroei y nan ta habri pa ricibi publico di dialuna pa diabierna di 1 or pa 8 or y diasabra di 1 or te cu 9 or.

Related posts

Envidia no ta hiba ningun hende padilanti traha duro pa bo mes ta bo propio progreso

EA News Author

Minister Dangui Oduber: “E vacuna lo brinda oportunidad pa nos bolbe bek na normalidad”

EA News Author

Directiva completo di Fundacion Refugio Social ta trahando duro pa realisacion di e projecto

EA News Author

Leave a Comment