Gobierno di Aruba y FUTURA a introduci e projecto Edutech pa aña skolar 2022-2023. E skolnan partisipante por a presenta nan projecto inovativo y asina gana materialnan digital di Edutech. Cu esaki, Gobierno di Aruba a pone Afl.400,000 disponibel pa usa den e cuater ciclonan di Edutech.
Colegio Laura Wernet Paskel, cu a gana e premio, y recientemente a ricibi su Chromebooks y tablet pa uzo den klasnan 1 y 2. E materialnan aki sigur lo yuda e maestronan den nan klasnan. Prome Minister Evelyn Wever-Croes, na nomber di gobierno di Aruba, a gradici tur scol cu a participa den e proyecto Edutech durante e aña escolar pasa. E ta anima scolnan cu no a gana of participa pa hasi esei den e aña di estudio 2023-2024, den Edutech pa e oportunidad pa gana material digital pa nan scol.
Prome Minister a bisa cu educacion ta e fundeshi riba cual nos isla por prospera. E ta empodera nos habitantenan, ta fortalece nos comunidad y ta guia progreso. Nos sa tambe cu e mundu ta cambia hopi liher. Ta pesei ta asina importante pa brinda e generacion hoben, e recursonan relevante pa enfrenta e retonan y oportunidadnan di e era digital. E uniko manera pa garantisa esaki ta pa siña nan e habilidadnan di siglo 21 y pa yuda nan adapta na esaki y logra.
