Colegio Nigel Matthew (antes Colegio San Nicolas) ta organisa un bingo virtual conhunto cu Aruba Bingo, cu premionan di 9000 florin cash, cu ta hunga diasabra awor dia 26 di november 2022. E bingo ta cuminsa cu e premio di 250 florin y ta keda subi te na e premio grandi di 3000 florin. Bingo ta obtenibel na e siguiente puntonan di benta di Aruba Bingo: Shiribana 8, Queen Euro Lottery, Pineapple Express, Lucky Taurus, Shaba Pastry y na Manton Sabana Basora.
Tambe tin bingo obtenibel na scol CNM riba diabierna di 9or di mainta pa 1or di merdia, e ta 10 florin pa bingo (bin cu placa net). Nos ta deliver riba diasabra; por yama na 5846800 of manda un e-mail: csngoesabroad@csnaruba.com. Pa haci uzo di servicio di deliver pone nomber, adres, telefon, cantidad di carchi y un splicacion cortico con ta yega na e cas.
Team CNM goes to Holland 2023 ta sumamente contento cu e benta di e bingo grandi aki. CNM ta organisando e di 4 biahe educativo. E biaha aki a toca turno pa hiba 112 studiante Hulanda. E meta ta pa e studiantenan por experiencia e parti educativo, bibienda, cultura, arte y e parti culinario di un pais unda nos studiantenan por sigui studia pa forma nan carera profesional.
Di antemano Team CNM goes to Holland 2023 ta gradici cada persona of instancia cu a yuda e studiantenan logra nan meta pa bende e bingo.
Team CNM goes to Holland 2023