Durante un seremonia militar kòrtiku Compagnie in de West rotashon 41 a hasi transferensha di su tareanan na e siguiente unidat, rotashon 42. E Komandante nobo Kapitan Milan a hasi su transferensha ku su predesesor Kapitan Martijn, durante e traspaso tradishonal asina yamá ‘peddeloverdracht’. Rotashon 42 ta keda 4 luna den Region Karibe Hulandes. E compagnie/unidat di Forsanan Real aki, BRAVO ‘Stier-compagnie’ no ta unu deskonosí den e region. Na 2020 i 2021 tambe e tabata e Unidat di Ehérsito den Region Karibe Hulandes. Durante e periodo aki ‘Stier’ a duna asistensha durante e pandemia di Corona na Kòrsou.
Kapitan Martijn ta mira bèk riba un periodo ekstraordinario: ”Akinan komo unidat nos tabatin un tempu fantástiko. Nos tabata por a hasi e loke pa kual nos a bini i nos a sinti nos mes masha bon risibí riba e pida spesial aki di nos Reino.”
E unidat saliente a brinda e último lunanan ademas di ehersisionan, tambe sosten na outoridatnan lokal. E sosten di outoridatnan sivil ta un di e tres tareanan primordial pa Defensa den Region Karibe Hulandes. Kapitan Milan ta antisipá posibilidat di entrenamentu ku su hendenan den Region Karibe: “ ‘Stier-compagnie’ ta honrá pa, un biaha mas, ta di bishita na Kòrsou. Nos ta antisipá ku, ku nos mentalidat di ‘Can Do’ (Nos por), pa duna apoyo i asistensha, kaminda ta nesesario. Banda di esei nos ke durante nos periodo na Kòrsou kolaborá hopi ku partnernan lokal. Nos ta un unidat hóben ku un kantidat grandi di hòmbernan ku a kaba di sali for di formashon; kolaborashon i formashon pa ‘De Stier’ ta para number unu.”
Compagnie in de West (CidW) ta un unidat permanente di Forsanan Real den Region Karibe Hulandes, ku por wòrdu ubiká den un variedat di tarea. Den e 4 lunanan benidero e unidat ta trein na tantu Aruba, Bonaire komo na Kòrsou. ’Stier-Compagnie’ normalmente ta establesé na Schaarsbergen na Hulanda. Un unidat di infanteria konsistiendo di diferente ekspertisio militar, manera por ehèmpel sòldánan genio, di informashon i frankotiradónan.
