LocalFeatured

Conseho di derecho humano di naciones uni ta aproba resolucion pa proteccion contra violencia y discrminacion

Milton Ponson

Basa riba orientacion sexual y identidad di genero

Dia 30 di juni 2016, den un voto historico e UN Human Rights Council, esta e Conseho di Derecho Humano di Naciones Uni a aproba cu 23 voto pro, 18 contra y 6 abstencion un resolucion pa proteccion contra violencia y discriminacion basa riba orientacion sexual y identidad di genero.

Cu e acto aki awor ta bira posibel na un nivel internacional denuncia na Naciones Uni discriminacion y violencia contra esnan di orientacion sexual y identidad di genero no heterosexual esta e comunidad LGBT.

Basa riba e resolucion aki Rainbow Warriors Core Foundation en estrecho colaboracion y dialogo cu comunidad LGBT na Aruba lo determina strategia pa ataca tur esnan na Aruba, sea partido politico, clero, cualkier organizacion of individuo cu haci su mes culpabel na discriminacion of violencia contra e comunidad LGBT na Aruba.

Como parti di tres red grandi mundial di derecho humano Rainbow Warriors Core Foundation lo alavez fiha campanja internacional di prensa pa denuncia e actonan abierto di discriminacion conra e comunidad LGBT na Aruba dor di e pastor Szpila e demas clero y lo haci denuncia na Vaticano.

Como organizacion internacional cu a para hunto cu e comunidad LGBT desde e principio pa defende nan derechonan nos lo para nan tras y haci e compromiso pa pone nos recursonan internacional na nan disposicion incondicionalmente.

LGBT Rights are Human Rights.

Related posts

Lider di fraccion Accion 21 Miguel Mansur: BBO na grens ta un preocupacion

EA News Author

Prome Minister a anuncia Toke de queda pa dos siman.

EA News Author

Graduadonan di Aruba a resalta den curso pa bira ‘wetgevingsjurist’ Minister Andin Bikker a entrega diploma na graduadonan

EA News Author

1 comment

Leave a Comment

Whatsapp Message