Awe Corte den Prome instancia a dicta cu Gobierno di Aruba tabata tin bon hustificacion pa a reestablece e Toque de Queda (‘avondklok’) na augustus ultimo.
Corte a considera entre otro cu Gobierno tin un margen hopi grandi di discrecion (‘margin of appreciation’) ora ta trata di escogencia di medidanan cu ta necesario den cuadro di e interes general, specialmente ora cu ta trata di medidanan preventivo riba tereno di Salubidad. E escogencia di Gobierno ademas ta wordo sosteni considerando e desaroyonan internacional, caminda e maneho den otro paisnan no ta desvia mucho di e esun na Aruba. Tin paisnan cu hasta a bay un poco mas leuw den nan maneho compara cu Aruba. Considerando tur e circumstancianan aki Corte ta haya cu Gobierno di Aruba por a dicidi pa reintroduci e medida di Toque de Queda y cu esaki pues ta un medida proporcional.
