Ayera den oranan di anochi a tuma luga un reunion di un bestuur nobo cu a postula nan mes pa haya e sosten di clubnan cu ta keda maneha door di Arubaanse Voetbal Bond AVB. Tabata un anochi cu hopi informacion di kico ta e meta y vision di e grupo hoben y dinamico aki kier bin cu ne den e maneho di AVB. Den sala tabatin diferente preguntanan y ta sinti interes pa un cambio den maneho di AVB. Den e reunion a scucha e preocupacionnan di clubnan presente y ta kere sigur por bin cu cambio, Segun Raymbert Bikker candidato cu a postula su mes pa bestuur nobo di AVB ta duna di conoce cu un team di 4 hoben profesional y hopi motiva cu a postula nan mes.
No ta for di awo pero mas cu 4 luna caba ta reuniendo pa asina mira kico por mehora cu ta canando menos bon. Den e sala clubnan a mustra di ta duna e sosten y tambe exigi di kico nan ta spera na momento cu bin un cambio. Clubnan ta mustra di ta cansa cu tanto promesanan cu na momento cu haya sosten no ta cumpli cu esakinan y ta parse cu ta luba riba nan. Sinembargo e grupo aki ta kere den un aire fresco y cu nan sosten nan lo por demostra cu un cambio pa positivismo pa cada club aki na Aruba ta posibel.
Tabata hopi bisto cu e parti di comunicacion entre AVB y clubnan tabata falta hopi, e parti financiero cu kier mira mehoracion, pero tambe e parti di notifica duna e clubnan informacion di loke ta pasando tampoco e clubnan no ta keda informa. Kico ta haci e 4 hobennan aki diferente ta cu cada un di nan ta profesional den nan areanan y nan a lanta y forma parti di mundo di futbol desde di un edad hopi chikito, pero no solamente esey nan cada un a profesionalisa nan mes den diferente area di mundo di futbol cu awe nan ta cla pa e reto nobo pa trece un cambio general pa futbol na Aruba.
Raymbert Bikker:
Un futbolista desde cu e tin 10, cu no a solamente forma parti di diferente ekipo na Aruba, pero a haya e oportunidad pa forma parti di seleccion di Aruba. Despues di 13 aña, Raymbert a retira como futbolista. Raymbert su connecion cu futbol a continua ora cu ela forma parti di Futbol Aruba (pagina mas sigi pa loke ta futbol) Passion y amor ta locual Raymbert tin pa e deporte aki. Awe, Raymbert ta cla pa drenta bestuur di AVB pa asina traha, yuda y aporta cu su conocemento. Futbol di Aruba merece un oportunidad tanto na nivel nacional y internacional, y pesei awe Raymbert ta tuma e reto pa asina traha pa tur club, pa tur miembro, y por ultimo pa futbol den su totalidad.
Devin de Veer:
Un dama cu un amor inmenso pa deporte pero mas ainda pa e bunita deporte di futbol.
Un dama cu a studia na universidad na merca pa logra su Masters den Business Administration y focus den Sports Management. Un dama cu sa cu pa maneha Arubaanse Voetbal Bond no ta trata solamente di conocemento di futbol pero tambe con pa maneha un negoshi. Un dama determina, cu ta cla pa tuma e reto pa asina e futbol di Aruba logra jega caminda e mester ta.
Jomar Boekhoudt:
Un deportista desde jong na Hulanda, cu a logra trece su talento y abilidad nan pa asina bira un coach aki na Aruba. Jomar no ta un cara desconoci den e mundo di futbol.
Awe Jomar tin su B license. Den pasado Jomar a forma parti di e staff como coach y team-manager di seleccion di diferente categoria. Un persona cu no solamente conocemento di futbol pero tambe den financia, ta e mix perfecto pa asina hiba nos futbol dilanti
Gilmar Croes:
Gill a cuminsa su carrera futbolistico como hungador for di su 5 aña te cu su 15.
For di edad hoben, semper Gill tabata tin e ambición pa traha riba Nivel di dirigente
Mirando bek den pasado, Gill a logra entre otro forma parti di Parlamento Hubenil y directiva di Sport Vereneging Web. Awe cu e conosemento aki mi Kier step to the plate pa contribui na un mihor Futbol General pa Aruba y pone mi disponibilidad y conosemento pa hunto jega na un mihor desaroyo cu Sosten di Clubnan miembro cu ta forma e Federacion di AVB. Futbol ta parti di mi Bida y un Pasion cu ta Biba den mi pa traha pa un mihor Futuro.
Click aki bao like y share
1 comment
[…] Source link […]