Anouska Biekman di D66 tambe tabata presente na e debate di “Politiek Cafe” cu Arubahuis a organisa. El a bisa cu e ta sumamente contento cu a organisa e debate aki mirando cu tabatin varios preocupacion cerca e studiantenan.
Sra. Biekman a keda contento di tende e preguntanan critico cu e studiantenan a haci riba e temanan manera enseñansa, seguridad di bida (bestaanszekerheid), oportunidad di stage etc. pues e tabata un encuentro super interesante.
Por ultimo sra. Biekman a bisa cu un aspecto importante cu tambe a resalta durante e encuentro ta, cu hopi biaha e topico di e islanan no ta wordo trata den programanan y debatenan na Hulanda. Pues esaki ta algo cu sigur por traha riba dje pa mehora e visibilidad, considerando cu ta un reino, y e islanan tambe ta parti di reino Hulandes, el a finalisa bisando.
