Local

Departamento di Asunto Social kier anuncia medidanan cu ta na vigor en conexion cu e situacion Covid-19


ORANJESTAD,Aruba

En conexion cu e situacion actual di Corona Virus (Covid-19) y e
medidanan di “social distancing” y prevencion pa contene e virus aki, Departamento di
Asunto Social kier informa tur su clientela di lo siguiente.
Entrante 17 di maart te cu 31 di maart 2020 tur Oficina di Departamento di Asunto Social lo
ta cera pa bishita publico. Tur servicio na nos clientela ta continua unicamente via nos
liñanan di telefon directo pa cada departamento of via email. Casonan di emergencia lo
wordo atendi conforme e protocol di instruccion desaroya pa personal di Departamento di
Asunto Social. E medidanan aki ta vigente te cu 31 di maart 2020.
Tur cliente cu tin un cita pendiente cu DAS por yama nos pa mas informacion na un di nos
liñanan di telefon. Nos kier informa cu si un cliente no tin minuut pa yama via celular, por
indica esaki na un di nos personal pa asina nos por yama bek. Asina aki nos por garantisa un
miho servicio na nos clientela.
Departamento di Asunto Social a habri tur liña directo pa cada departamento y por yama
entre 7.30am pa 11.30am y for di 12.30pm te cu 4.30pm di dialuna pa diabierna;
● DAS Centraal 5281100
● Seccion Bida y Famia 5281150
● Guia Social O.stad 5281120
● Guia Social San Nicolas 5281130
● Guia Social Paradera/TL 5281140
● Abogado Liber 5281160
Departamento di Asunto Social lo haci anuncio oficial asina cu bin cambio den circumstancia
y medida di proteccion contra Covid-19. Por sigui tur anuncio via nos pagina di Facebook.

Related posts

Minister Dangui Oduber acusando AVP pero e berdad ta den su propio oficina

EA News Author

Cambio di maneho di gobierno por traduci den mas fondo pa deporte

EA News Author

Ciudadanonan di Simon Antonio a entrega carta na Gobernador y Presidente di Parlamento

EA News Author

Leave a Comment