Local

Aeropuerto ta prepara pa coronavirus


ORANJESTAD,Aruba

Relaciona cu situacionnan cu a presenta cu e COVID-19 na Aruba, Queen Beatrix International Airport (AUA Airport), a prepara diferente scenario pa loke ta posibel situacionnan cu por presenta na aeropuerto.
AUA Airporte a drenta e siguiente fase di e scenarionan di COVID-19 caminda aeropuerto a ricibi infomracion relaciona c’un empleado den servicio di AUA Airport caminda e empleado aki lo a test positivo pa cu e COVID-19.
E caso aki a wordo describi den un di e scenarionan posibel y AAA ta ehecutando awor e medidanan den e scenario aki den e forma mas efectivo posibel.
Aruba Aiport Authority NV ta trahando pa identifica tur persona cu tabatin contacto directo cu e empleado aki y cu tabatin contecto cu e persona aki, igual controlando si e personanan aki ta tumando medidanan preventivo manera tin stipula.
 

Tur grupo di empleadonan na riesgo di e situaciona ki, a wordo manda de inmediato nan cas den un verlof di COVID-19.

E dunado di trabou di e empleado en cuestion a tuma medidanan di precaucion y ya caba a tuma medidanan di cuarentena  caminda e departamento caminda e empleado tabata labora, a wordo cera.

AAA hunto cu e dunado di trabao ta trahando pa identifica otro empleadonan cu tabata den contacto cu e trahado en cuestion.

AAA ta ehecutando un servicio di limpiesa hopi extenso den e sector caminda e trahado tabata funciona como medida preventivo.

AAA a informa tur trahado di AAA y henter e comunidad di AUA Airport riba e ultimo desaroyonan relaciona cu COVID-19.

Tres emplieado di AAA a wordo manda cas como medida preventivo den cuantena personal pa un periodo di 14 dia debi cu nan tabatin contacto directo of indirecto cu e empleado kende  a test positivo.

AAA ta sigura henter comunidad cu e lo continua cu ehecucion di su plan di accion de inmediato como reaccion riba cualkier desaroyo nobo relaciona cu e e crisis  tumando luga actualmente.

Related posts

Pastor Marcel Balootje: Aparta for di pasado, y esforsa pa logra bo meta.

EA News Author

Rapport di IMF a indica : Aruba a resulta e di dos pais cu mas a keda afecta dor di pandemia di COVID

EA News Author

Anuncio di Morto : A fayece Otilio Theodor Tromp

EA News Author

Leave a Comment