Na Cede di MEP diasabra anochi a tuma luga un anochi special pa despedida di Ady Thijsen den politica. Despues cu Ady Thijsen a bin bek for di Hulanda e la tuma e decision di bandona e arena politica y pa esaki e famia di partido MEP a percura pa un anochi hopi special pa su despedida na cede di MEP.
Ady Thijsen a dedica 20 aña di su bida den politica y e ta gradici su famia y partido MEP cu a sostene su persona durante di henter e trayectorio. Ta den politica ta un sacrificio hopi grandi y Ady ta contento di a haya e sorpresa aki unda cu a haya un anochi special y na mes momento a haya e oportunidad pa expresa su añanan y su trayectorio den politica unda cu tin cosnan bon y menos bon a pasa. Ady Thijsen tin experiencia di 16 aña largo den parlamento unda cu tabata parlamentario , lider di fraccion y presidente di parlamento y despues a traha na Union Europeo y despues a haya e oportunidad pa bira minister plenipotenciario na Hulanda.
Cu un curason habri Ady Thijsen ta duna di conoce cu e la forma parti di hopi situacionnan y desicionnan pa Aruba,e ta contento cu bida por a dune e oportunidadnan aki, a forma parti riba decisionnan grandi pa Aruba, pero tambe pa loke tin efecto den Reino Hulandes. Ady Semper a traha cu e meta pa Aruba , traha y duna pa su pais y su hende nan , pero na momento cu bo ta den Reino e aporte pa traha pa bo pais ta mas grandi.
Pa Ady Thijsen e politica ta mes un cos cu futbol e ta algo di team bo no ta bay hunga futbol pa bo score , pero pa bo gana y pa bo gana bo mester por hunga e wega cu bo team pa hunto por logra, asina politica ta tambe. Segun Ady Thijsen den futbol bo no ta bay Sali y scob hende pa bo por hinca gol, pero tin cu pasa e bala pa por score pa bo team y den politica ta mes un cos bo tin cu traha hunto pa asina por score na bienestar di e pueblo. Importante ta tambe den politica pa no bay ataca hende personal , por bay skerpi cu argumento pero no bay personal. Segun Ady Thijsen lamentablemente ainda e ta tuma nota cu den politica ta bay hopi personal riba otro y esey e pueblo no ta gana nada cu esey. Loke ta trata arogancia tampoco lo no yega leu den politica.
E conseho cu Ady kier laga atras pa e futuro politiconan nobo ta cu prepara bon y educacion ta hunga un rol hopi grandi, aunke cu esey no ta tur cos semper como politico bo mester ta bon prepara pa e universidad di bida, ta den comunidad , ta hopi cu hende ta hopi importante.
Na Final Ady Thijsen ta indica aunke cu e la baha cu pension pero e no lo stop di traha e lo tuma over bek su trabou como abogado pa asina por sigui traha y brinda su pais te na unda cu e por.
