FeaturedLocal

Dia 21 di maart proximo lo tin un training regional pa cu Tsunami

Dia 21 Di Maart Proximo Lo Tin Un Training Regional Pa Cu Tsunami 1

Crisis Management Office (CMO) a yama un conferencia di prensa pa asina informa comunidad di Aruba cu dia 21 di maart 2024 lo ta bay tin un training regional pa cu Tsunami. Pa Crisis Management Office (CMO) esaki ta e escenario cu UNESCO a determina y ta esun di mas importante y cu ta e risico di mas grandi debi cu no solamente tin Panama, pero nos tin Jamaica, Puerto Rico , pero Panama ta esun cu lo bay afecta Aruba mas.

Den e scenario si Aruba no haci nada ta significa cu Aruba lo tin un perdida di 40 mil bida y na mes momento ta pre mira cu 37% di nos economia lo haya impacto directo. Segun director di Crisis Management Office (CMO) esaki ta vocifera abase di modelonan, pero nan no a tuma consideracion cu e Tsunami di Panama lo destrosa tur nos area di hotel, hospital y tur deposito di cuminda. Esaki ta debi cu tur e depositonan di cuminda actualmente ta den e area cu lo wordo afecta.

E traning cu ta bay tuma luga ta un training real, esaki ta significa cu si tin cruceronan den waf e dia ey lo mester mira kico ta e pasonan cu e capitan lo tuma, kico ta bay ta su decision mirando cu tin 90 minuut pa Sali for di costa y si e o Sali di costa e ora Aruba lo keda cu e efectonan na e costa unda cu e barconan crucero tambe lo hala un poco mas paden di Aruba y mester deal cu ne.

Segun director di Crisis Management Office (CMO) Rino Hermans pa e aña aki ta bay ta e ultimo aña cu lo bay train den e sistema aki y otro aña lo cuminsa train cu e early warning cu lo keda inaugura na augustus awo. Aruba lo cuminsa bay den e direccion di alarma nacional. Aruba lo ricibi un alarma moderno caminda cu lo bay scucha voz, dus no lo scucha sirena so , pero tambe Voz pa asina duna indicacion kico mester haci.

Director di Crisis Management Office (CMO) Rino Hermans ta encurasha tur hende participa, un famia tambe por bay den Tsunami alert. E famianan cu kier participa mester yama y bisa famia di cuanto nan ta y den cua area ta pa asina tin un bista.
Pa 1 or di merdia lo ta bay tin un bisa mas of menos saca afo cuanto hende a participa mirando cu na Aruba tin un tendencia cu hopi hende no ta gusta participa, pero na momento cu e situacion pasa kier cuestiona y critica.

Director di Crisis Management Office (CMO) Rino Hermans ta avisa comunidad di Aruba cu awo tin un oportunidad haci esaki pa ta na altura kico pa haci na momento si un Tsunami ta rumbo pa Aruba. Mester bisa si cu Hotelnan si ta participa y ta atende cu e turistanan tambe mesora. E aña aki SKOA lo participa unda cu 48 scol lo forma parti di e training aki.
SKOA y setar lo traha un comando center pa nan por evacua tur mucha di tur e scolnan pa asina nan tambe tin un idea cu den caso di realidad kico ta nan capacidad y kico ta e puntonan cu mester discuti pa drecha y ta mas miho prepara.

Director di Crisis Management Office (CMO) Rino Hermans ta duna di conoce cu ta importante como Pais pa haci tipo di training nan asina. E training mes lo dura 1 pa 2 ora, pero tur esunnan cu participa lo haya un conocemento di bo capacidad y kico ta stroba di scapa bida.

Dia 21 Di Maart Proximo Lo Tin Un Training Regional Pa Cu Tsunami

Related posts

Fundacion Pa Nos Muchanan ta organisa un workshop pa trahado pedagogico

EA News Author

Parlamentario Robert Candelaria Gobierno mester trata hendenan cu ta pidi y haya permiso den forma husto

EA News Author

Tin varios desaroyo na San Nicolas pendiente

EA News Author

Leave a Comment

Whatsapp Message