Ayera tardi Wardakosta a risibí un notifikashon di ‘Korps Politie Caribisch Gebied’ (KPCN) ku
dos hende hòmber tabata pèrdí den mondi den area di Rincon na Boneiru. E Sentro di
Operashon Marítimo (MOC) di Wardakosta a manda e hèlikopter di Wardakosta
inmediatamente Boneiru pa buska e dos hende hòmbernan.
Unabes ku e helikòpter a yega na Boneiru, e tripulashon a kuminsá imediatamente ku e
bùskeda pa e hòmbernan pa lokalisá nan den e mondi kual tabata hopi sera ku mata ku a pone
ku e hombernan no por a haña nan kaminda pa sali mas. E helikòpter a hisa e personanan i a
bahanan na e miembronan di KPCN ku tambe tabata na e sitio, pero no por a drenta den e
mondi sera ku mata. E dos personanan tabata hopi kansa, pero nan tabata den bon salud i no
tabatin mester di asistensha mèdiko.
Dos persona pèrdí den mondi den area di Rincon
