Drive by shooting no mucho leu di warda di playa

Aruba tin dos caso lamentabel cu a tuma luga den termino corto cu a afecta e comunidad di Aruba. E prome caso tabata e drive by shooting na altura di ex United Dinner na Driemasterstraat. Unda cu  un persona femenino tira abao y no ta reaccionando.

Diamars anochi mas of menos 10:55  central di polis ta keda notifica di e drive by shooting no mucho leu di warda di polis di playa.   Vocero di polis Liliana Rasijn ta duna di conoce cu polisnan a yega mesora y dibiaha a pidi un ambulance mirando cu e dama no ta reaccionando.

Pa 11:55 Dr Scholten ta constata morto di Nayibe Isabel Herrera naci 22 september 1991 (31 aña) na Aruba. Na e sitio a presenta departamento di recherche, polis tecnico, slachtoffershulp y tambe dokter forensico pa cuminsa cu e investigacion.

Mientras cu tabatin investigacion cu ta tumando luga na e sitio polisnan a keda busca rond y a bin encontra na Aruba Junior un Toyota yaris blanco cu probablemente ta involucra den e  drive by shooting. Na mes momento e auto a keda confisca.

Cuerpo policial di Aruba ta haci un apelacion na esunnan cu por a mira, scucha of cu sa algo pa yama e tipline di polis mesora cu ta 11141 y duna e informacion necesario . Importante di esaki ta cu tur e informacion cu ta keda duna e persona ta keda anonimo.

Te na e momentonan aki no tin ningun detencion den e caso aki y e investigacion ta andando, pero na mes momento tampoco no ta conoci si ta trata di un caso di reglamento di cuenta of no , of ta dies un auto ta pasa tira y e bala ta alcansa un persona, manera cu ya caba den pasado nos a conoce cu a costa bida di e conocedo kenepa.

Polisnan y departamentonan special nan man ta yen unda cu ta investigando pa asina saca afo kico y pa kico.