BonaireInternacional

Dunadónan di ayudo ta risibí sertifikado di lès di spañó

Deelnemers Spaansles

Dunadónan di ayudo di diferente organisashon for di 5 di sèptèmber 2022 a sigui semanalmente lès di spañó pa por komuniká mihó ku residentenan ku ta papia spañó. E grupo di dunadó di ayudo ta konsistí di empleadonan di Sentro Akseso Boneiru, Kuido i Hubentut CN, Sosten di Konsulta di Dokternan di Kas, ZW-Groep, KPCN (polis) i akohida pa hende muhé Tabitha di Fundashon Krusada. Siguimentu di e lèsnan di spañó tabata un deseo di trahadónan di e kadena di dunamentu di ayudo i Entidat Públiko Boneiru a organisá esaki.

E lèsnan di spañó pa dunadó di ayudo ta forma un parti importante di e Akuerdo Intergubernamental ‘Atenshon na Violensia Doméstiko i Maltrato di Mucha CN’ ku e ministerio di Salubridat, Bienestar i Deporte (VWS) i e entidatnan públiko a firma. Ta asina ku un di e puntonan di salida di e akuerdo intergubernamental ku VWS ta mehorashon di servisio i ekspertisio dentro di e kadena di dunamentu di servisio. Komunikando mihó na spañó, dunadónan di ayudo por ofresé mihó servisio na residentenan ku ta papia spañó. 

A repartí e grupo di dunadó di ayudo den 3 grupo di pinsipiante i 1 grupo avansá. Delta Academy a duna e treinen i a finalisá esaki ku un prueba i entrega di sertifikado.

Related posts

OPINION: Ami komo partner di David Molina kier pa Boneiru i mundu henter sa riba binimentu di remarke pa un tereno na Boneiru

EA News Author

Eduard Braam Miembro di Parlamento MFK : Bishita di delegashon di miembronan di Parlamento di Kòrsou na reunionnan di Parlatino na Panama

EA News Author

Entrenamentu violensia doméstiko i maltrato di mucha

EA News Author

Leave a Comment

Whatsapp Message