Apesar di un aña escolar cu hopi reto tras di lomba, E Solo Foundation por mira bek riba un aña exitoso . No tabata facil cu tur e retonan cu e Pandemia a trece cune, pero a logra cu un grupo di mucha cu sobrepeso , hunto cu nan mayornan a haya guia con pa hiba un bida saludabel y nan ta riba e bon caminda!
E programa Cool2Bfit ta draai in total pa 1,5 anja y a cuminsa pa prome biaha na cuminsamento di 2021 (e prome ‘ronde’). Bao coordinacion di Miriam Baiz, experto riba tereno di Salud y Educacion Fisico, e team di profesionalnan multidisciplinario di DVG/JGZ: Swinda Dumfries (orthopedagoog) y Ebrina Curet (dietista/nutricionista), docente di educacion fisico Anthony Wever, Marilou de Windt (terapeuta di famia) y tambe un fysiotherapeut, a ehecuta e programa ‘Cool2BFit’. Cool2Bfit ta un programa ‘evidence-based’ pa mucha entre 4 cu 13 anja, cu sobrepeso. E programa ta guia mucha y nan mayor/voogd den un manera positivo pa haci cambionan den e estilo di bida pa asina desaroya habitonan saludabel y jega na un peso mas saludabel.
E programa tin cuater pilar:
Participacion di mayor/voogd
Movecion (actividad fisico)/sport
Alimentacion y habitonan alimentario
Cambio di comportacion
Durante e fase intensivo, cu a cuminsa na januari te cu maart 2021, muchanan a haci actividad fisico/ sport 2 biaha pa siman pa un minimo di 1 ora bou di guia di e sportsinstructeur (M&S docent Anthony Wever). Adicionalmante e participantenan a hanja educacion riba diferente tema di salud di e team di profesional. Esaki tabata consisti di en total 7 encuentro di mucha y mayor, cu eduacion y actividad riba area nan di alimentacion, actividad fisico y di comportacion. E fase intensivo a conclui cu un encuentro final di mucha cu mayor y e team, na unda a evalua e progreso riba area di salud. E programa a wordi ricibo hopi positivo pa mucha y mayor y a nota un mehoracion den entre otro peso, condicion fisico, y habilidadnan pa haci esconhecianan saludabel.
Depsues di e fase intesivo e participantenan a sigui cu actividad fisico un biaha pa siman y e registracion na un club deportivo. Lo sigui monitorea e prome grupo di particpante durante e trayecto di Cool2Bfit na 2021. E di dos grupo di Cool2Bfit ta cuminsa na oktober 2021.
E bon noticia cu a duna e team completo un motivacion extra ta ora cu PAHO a escohe E Solo Foundation pa duna sosten financiero na e proyecto’Cool2BFit’ p’e aña aki.
Cu aña escolar nobo , lo cuminsa cu un grupo nobo , esta grupo 2.
E combinacion di expertonan di Jeugd Gezondheidszorg y bon cooperacion di DVG y Ministerio di Salud ta anticipa un otro grupo exitoso.
1 comment
[…] Source link […]