Prome minister Mike Eman den su turno ta indica cu e reunion di Rijkswet den parlamento a bay hopi bon y parlamento a haci hopi pregunta riba e concepto di Rijkswet cu a yega den e fase cu e tecniconan cu ta expertonan cu a negosha durante di mas cu un aña pa asina yega na un concepto di Rijkswet y awo lo bay na bestuurlijk overleg caminda cu e gobierno di Aruba tin cu topa cu e gobierno actual di Hulanda cu manera nos tur sa mester a sosode dia 13 di juli pero debi cu gobierno di Hulanda a cay y a bira demisionario asina e reunion no a bay door.
Segun prome minister Mike Eman recientemente a topa cu e staatssecretaris nobo online unda cu a ser conoci cu otro y asina a palabra cu na augustus e lo ta presente na Aruba y e ora ey por sigui cu e combersacionnan riba e Rijkswet aki.
Prome Minister Mike Eman ta indica cu e Rijkswet a keda acorda aña pasa na 2024 y e trabou cu ta haciendo awo ta duna contenido na un palabracion cu gobierno di Aruba a haci e tempo aya. Segun Prome Minister Mike Eman hopi hende ta puntra dicon no ta kite for di mesa , pero segun Eman tin dos punto y un di e algun puntonan tin balor pa Aruba unda cu tin cuadranan financiero stipula di un manera cu ta garantisa bon fiansas publico pa Pais Aruba.
Pero na mes momento prome Minister Mike Eman ta indica cu tambe tin e parti cu tin un palabracion haci entre gobierno nan y e ultimo cu kier como imagen di Aruba ta cu na momento cu un gobierno ta haci un palabracion y e otro ta desvia for di dje.
Prome Minister Mike Eman ta indica cu e motibo dicon awe Aruba tin un Rijkswet ta hustamente pa e motibo ey , durante di e gobernacion di 2015 na momento cu AVP tabata goberna y a hinca Aruba den un debe grandi a yega un acuerdo cu Hulanda unda cu a introduci un LAFT cu tabatin tur elementonan pa yuda monitoria finansas publico di Pais Aruba y Hulanda tabatin un rol den e LAFT y na 2017 a bin un gobierno nobo, un parlamento nobo y unilateralmente nan a dicidi cu nan ta cambia e LAFT di tal manera cu Hulanda ta perde su influencia y di e momento ey Hulanda a bisa nos no ta confia mas y awo nos kier un Rijkswet unda cu Aruba no por unilateralmente cambie.
Segun Prome Minister Mike Eman pa e motibo aki awe Aruba tin un Rijkswet y e tarea cu tin na e momentonan aki ta pa mas daño no wordo haci na e credibilidad di Aruba den Reino Hulandes, paso Reino ta importante pa Aruba y ta pesey mester wak con ta termina henter e procedura aki den e miho forma pa proteha e interes di Aruba y proteha tambe e credibilidad di Pais Aruba.