Minister di finansas y economia Geoffrey Wever ta esun responsabel riba e decision di negociacion di Rijkswet cu Hulanda. Despues di e reunion den parlamento riba e negociacionnan di Rijkswet ta indica cu ya caba a bin un biaha parlamento den un reunion habri di Rijkswet caminda cu tur hende a sigui e reunion riba Rijkswet, pero e biaha aki a bin cu expertonan pa splica kico ta e situacion di e negociacionnan den e ultimo lunanan segun Minister Geoffrey Wever.
Den e ultimo lunanan tabatin contactonan estrecho cu e team negociadonan di Aruba y di Hulanda y na e momentonan aki e concepto ta den un fase basta leu cu ta e momento cu por comparti e parti tecnico cu parlamento y e team di negociado mes a sugeri na gobierno pa no haci e reunion aki publico ainda mirando cu ainda tin algun elemento cu ta den negociacion y cu e ta un proceso hopi sensitivo y a keda sugeri pa haci e reunion den porta cera.
Segun minister Geoffrey Wever na final di dia e ta un bon concepto unda cu tur e parlamentarionan por a scucha di e profesional nan kico ta e direccion y nan por a haci nan preguntanan tambe. Na mes momento minister Geoffrey Wever ta indica cu pronto lo por ta bek en un seting publico , pero e reunion cu e profesionalnan cu ta informacionnan tecnicamente a tuma e decision pa haci esaki porta cera. E parti politico por bin en un otro seccion y ta kere cu despues di reces lo por haci e reunion aki publicamente unda cu lo debati riba Rijkswet.
Tin un acuerdo cu a wordo firma entre gobierno di Aruba y di Hulanda cu a keda firma door di ex prome Minister Wever Croes y esaki ta e cuadro cu na e momentonan aki ta negoshando den dje unda cu e gobierno di Aruba a firma na juni 2024 ta trahando riba dje. Segun Minister Geoffrey Wever ta trata aki di e mes un team negoshando cu a keda poni door y e gobierno saliente a continua cu e mes un team aki y ta negosha den e mes un cuadro di locual a keda acorda den e gobierno anterior.
Segun minister Geoffrey Wever parlamentario Dangui Oduber tin un problema cu e rumbo cu su mes un gobierno a tuma, pero e parti ey ta algo interno di su partido. Actualmente gobierno di AVP –FUTURO manera prome minister Mike Eman a menciona e ta un continuidad unda cu tin un acuerdo entre e dos gobierno nan cu nos ta continuando cu ne, esaki ta parti di credibilidad cu mester tin cu e parteranan y esaki ta loke e gobierno di AVP –FUTURO ta haci. Na final di dia ta kere cu si Aruba logra yega na un bon entendimento cu Hulanda , Aruba por reduci su gastonan di interes drasticamente cu ta duna Aruba espacio financiero pa duna bek na comunidad.
Minister Geoffrey Wever ta indica cu den e programa di gobernacion ta poni cu lo mehora e poder di compra, inverti den Aruba y esaki ta e forma cu por duna bek na comunidad di Aruba. E tin un beneficio financiero grandi y e no ta pa semper , pero e tin un periodo cu Aruba por Sali for dje y e expertonan a splica mas of menos kico por haci pa Sali for di e Rijkswet unda cu en tres aña tin cu cumpli y ta hancra bo supervision financiero den begrotings kamer cu ta un mehoracion di bo structura di bo Pais.