Edsel Winklaar ta bandoná su posishon komo direktor interino na Direktorado di Planifikashon i Desaroyo (R&O). Su desishon pa pone e funshon akí abou ta basá riba su konvikshon ku na e momentu akí e no por salbaguardiá e kontinuidat nesesario pa motibu ku e ta bandoná nos isla temporalmente.
Winklaar ta tuma e paso akí ku bista riba interes di e organisashon, rekonosiendo e echo ku e funshon di direktor di Direktorado di Planifikashon i Desaroyo (R&O) ta un posishon di responsabilidat ku ta rekerí atenshon kompleto pa loke ta trata su ehekushon. Na momentu ku e bandoná e funshon ta surgi espasio pa yena e posishon di responsabilidat akí konstruktivamente.
Ku komprenshon pa e desishon tumá, entidat públiko Boneiru ta gradisí Winklaar pa su dedikashon komo hefe interino i seguidamente komo direktor interino na R&O. Gobièrnu di Boneiru ta enfatisá ku ya kaba a kuminsá buska un susesor. Asina ku logra esaki, gobièrnu di Boneiru lo anunsiá e funshonario nobo.
