ntidad Publico Bonaire y Algemene Bond van Overheidspersoneel (ABVO) a organisa un Dia di Refleccion pa empleadonan di Entidad Publico Bonaire den e edificio di ABVO.
E dia tabata reparti den un sesion di mainta y un sesion di merdia. E empleadonan a para keto na e nucleo di ta un empleado publico: e derechonan y obligacionnan cu ta pertenece na esaki, e servicialidad na e comunidad boneriano, e impacto significativo cu a base di nan trabou nan por tin riba comunidad, y tambe e sosten cu ABVO por brinda.
Gezaghebber tabata encarga cu un palabra di bon bini durante e sesion di mainta, mientras diputado Joselito Statia a habri e sesion di merdia. Banda di esaki, Nereida Gonzalez y Ferina (Roosje) van der Hoek a duna presentacionnan inspirativo, caminda nan a invita e participantenan pa reflecciona y drenta den combersacion cu otro.
Entidad Publico Bonaire ta haya importante pa crea momentonan di refleccion y desaroyo pa su empleadonan. Na final di e encuentro, e empleadonan cu ainda no tabata miembro a haña e oportunidad pa registra serca ABVO. Conforme e Arelo Laboral di Empleadonan Publico di Entidad Publico Bonaire, articulo 4e, Entidad Publico Bonaire mes ta paga e contribucion na sindicato ABVO.
