Entrante 1 di oktober no ta pidi aporte propio pa e ticket di e acompañante social ora ta bay exterior

Ta un placer pa Organo Ehecutivo AZV (OE AZV) informa su aseguradonan cu entrante 1 di
oktober 2024 tin un cambio na fabor di e aseguradonan cu tin cu haya cuido medico den
exterior. Ora tin aprobacion, OE AZV ta cubri pasashi (ida y buelta) di e pashent y di un
acompañante social di cual e acompañante social tin un aporte propio di 75 florin pa su
ticket.
Sin embargo, entrante 1 di oktober 2024 OE AZV no ta pidi e aporte propio di 75 florin
mas. E decision aki ta facilita tur asegurado pendiente pa haya cuido medico den exterior
ya cu e ta nifica cu no mester dispone di e suma di 75 florin pa paga ora AZV ta reserva e
ticket pa e acompañante social.
Ora tin aprobacion di OE AZV pa cuido medico den exterior, OE AZV ta cubri:
➢ E gastonan medico (e.o e operacion of test).
➢ Ta duna un compensacion pa hotel den forma di un carta di garantia.
➢ Ta yuda pa medio di un aporte financiero den e gastonan di cuminda y bebida
(awa) pa e pashent.