Local

“Exitoso ABC – Open Karate Championship 2023”

Exitoso Abc – Open Karate Championship 2023...

Recientemente a tuma luga na Compleho Deportivo Frans Figaroa e Campeonato “ABC – Open Karate Championship 2023” di Aruba Karate Bond (AKB) den colaboracion cu Aruba Sport Unie (ASU), Stichting Sportsubsidie Aruba (SSA) , Comite Olimpico Arubano (COA) y Lotto Pa Deporte. 

E mainta a ranca sali cu’n desfile di e paisnan cu tabata presente;  scolnan di karate di Aruba, Boneiro, Corsow y Suriname. E campeonato a conta cu mas di 130 karateka participando den diferente categoria. 

E competencianan di “kata” (tecnica di karate) y “kumite” (pelea of bringamento) tabata  fuerte entre e paisnan presente. Por a sinti e alegria y emocion di e publico presente na Compleho Deportivo Frans Figaroa. Otro categoria cu a causa hopi furor tabata esun di “Kumite Open Senior”. 

Tur pais a cay den premiacion y a bay cas cu medaya di tanto “kata” como “kumite”. Aruba a gana 81 medaya, Corsow a gana 31 medaya, Boneiro a gana 9 medaya y Suriname a gana 4 medaya. AKB ta contento cu tur “dojo” (scol di karate) miembro y no miembro cu a participa, igualmente tur coach y referee local y internacional cu a yuda engrandece e campeonato. 

Durante e “ABC – Open Karate Championship 2023” a keda demostra cu karate ta bibo na Aruba y cerca e islanan ruman. Y cu dedicacion y disciplina ta duna su fruto na final di dia. Un danki ta bay specialmente na tur mayor cu ta hiba nan yiunan training y ta apoya nan yiu den e bunita deporte di karate. Palabra di pabien na tur “sensei”, coach, scol di karate y karatekanan di Aruba, Boneiro, Corsow y Suriname. 

Exitoso Abc – Open Karate Championship 2023......Exitoso Abc – Open Karate Championship 2023.....Exitoso Abc – Open Karate Championship 2023..Exitoso Abc – Open Karate Championship 2023

Related posts

No ta tur turista ta turista di fastfood

EA News Author

Pastor Marcel Balootje: Tin un gran peliger , ora nos aleha di Dios

EA News Author

Aruba a partisipa na competencia di Magical Classic Gymnastics 2022 y a bin cu Oro,zilver y brons cas

EA News Author

Leave a Comment

Whatsapp Message