Manera ta conocí na inicio di gobernacion di AVP-FUTURO, e Gobierno nobo a trata presupuesto 2025 proponiendo algun cambio. Un di e cambionan tabata un reduccion di e fiansa di 17 miyon florin cu e gobierno anterior a crea pa FCCA, pa riba termino corto, nan por a traha entre 150 pa 200 cas social. E fiansa aki a wordo elimina pa asina wordo poni den un fondo di inversion, di cual no tin un plan ainda.
Basa riba e decision aki, diamars mainta fraccion di MEP den Parlamento a reuni cu FCCA pa asina por scucha di nan banda ki efecto e decision aki lo tin pa cu e arena social, mirando cu tin 3000 hende wardando riba un cas social. FCCA di nan banda a expresa cu e tema di vivienda social ta uno cu mester atencion imediato y e fondonan aki sigur lo a trece alivio pa esnan den necesidad.
Parlamentario Evelyn Wever-Croes a inidca cu e reunion a bay hopi bon y a expresa cu fraccion di MEP lo sigui riba e tema aki te ora cu e Gobierno nobo aloca e fondonan aki bek pa FCCA, pa asina por cumpli cu esnan den necesidad di un cas.
