unda cu e focus principal tawata pa duna e profesionalnan na Aruba y den regio di Caribe mas informacion di e aspecto fisico en general y e importancia di esaki riba nos adultonan mayor.
Caribbean Active Aging Congress tin como obhetivo:
- Concientisa y prepara Aruba y Caribe riba e poblacion cu ta embehesiendo y e problematica cu esaki lo trece cu ne si nos no tuma accion awor aki.
- Aumenta e habilidadnan di adultonan mayor pa keda activo, saludabel y biba independientemente den nos comunidad.
Caribbean Active Aging Congress (C.A.A.C. # 2) lo tuma lugar dianan 1 & 2 di October 2022.
Dia 1 di october ta un dia special pa motibo cu riba e fecha aki mundialmente ta celebra dia Internacional di Adulto mayor. Tur aña United Nation tin un tema special pa dia Internacional di Adulto Mayor. E tema di e aña aki ta
- “ E resilencia y contribucion di e adulto mayor femenino”. United Nation kier pone enfasis riba e rol y e determinatacion cu nos adulto mayor femenino ta desempeña pa por supera cualkier desafio global y na mes momento momento contribui pa soluciona esaki cu resilencia y fortalesa.
Si nos kier focus riba e calidad di bida di nos adultonan mayor, nos mester por ofrece e hermentnan necesario pa nan mes por contribui na esaki. E pregunta ta “ Nos ta prepara pa bira grandi? A base di e pregunta aki C.A.A.C. # 2 ta bai enfoca principalmente riba nos poblacion tanto hoben y grandi pa asina trese conscientisacion y preparacion pa nos por tin un mihor calidad di bida na edad di adulto mayor.
Shete (7) orador local y 4 orador internacional lo presenta temanan importante manera:
- Con pa enfrenta diagnosticonan incurabel relaciona cu bo salud.
- Informacion mas amplio riba e aspecto fisico
- Informacion riba embehecimento den bo bida social prome y despues di bo pensioen
- Informacion riba alternativanan pa bibienda
- Informacion riba e populacion cu ta embeheciendo na Aruba y e efecto di esaki riba Aruba
- Informacion riba cuido na cas
Tambe lo bai tin un panel di adultonan mayor di Aruba, hendenan muher y homber balente cu lo amplia riba con nan a yega na un edad respeta y alabes ta hopi activo ainda riba diferente nivel den nos sociedad cu por ta un ehempel pa nos tur.
Caribbean Active Aging Congress dia 1 october lo tuma lugar na Crystal theater di 19:00-21:00 pm y dia 2 di October na Renasissance Convencion Center di 8:00-16:00pm. E congreso lo prove riba ambos dia y ambos location cuminda y bebida pa nos participantenan y alabes cada participante lo ricibi riba dia 1 di October un map cu tur informacion pa asina sigui e programa completo di dianan dia 1 y 2 di October. Cu su participacion completo e participante lo ricibi tambe un certificado digital. E congreso tin un cupo limita pues pa es motibo nos ta invita comunidad pa inscribi trempan.
Tin dos manera con pa inscribi.
- Por inscribi na bali di oficina di IBISA na Frankrijkstraat 1 unda cu ta yena e formulario di inscripcion y haci pago personal pa cual por paga den efectivo of via pay.aw
- Via nos pagina di facebook: facebook.com/movemientotabida, lo ta b ai tin un publicacion di C.A.A.C full ariba caminda lo tin un link cu por registra. Despues di finalisa esaki por agrega den e registracion e comprobante di pago cu a wordo haci via transferencia di banco online.
Fundacion Movemiento ta bida ta sumanente agradecido pa e apoyo y sosten cu fundacion ta ricibiendo: Actualmente FMTB a ricibi un aporte di Ministerio di Transporte, Integridad, Naturalesa & Asuntonan di Adulto Mayor cu a mira e necesidad y e importancia pa tene un congreso di e caliber aki pa nos comunidad. Alabes nos kier tuma e oportunidad pa un bez mas duna un agradecimento na Ministerio di Transporte, Integridad, Naturalesa & Asuntonan di Adulto Mayor y tur nos colaborador nan y sponsornan.
- FCCA
- Wit Gele Kruis
- Dr. Jaime Falconi
- CBS
- SABA
- DVG
- IBISA
- Amsterdam Manor
- Cuts & Curves
- Nature Discount
- Urban Coffee
- Cede Aruba
Y comishon organisado y tur nos boluntarionan.
