Bee Blessed Daycare, Building Bright Beginnings, Scol di Hunga Dora y Diego, E Barco di Noah kinderdagverblijf, Eiva Conta Storia Speelschool, Mis Ovejitas, Stichting Poeroenchi Kinderopvang, Tante Joja Speelschool, Ucha’s Kidshouse
Recientemente Fundacion Pa Nos Muchanan cohuntamente cu Everyday Sensory Play a brinda un workshop innovativo y creativo pa e Centronan di Cuido y Guia di Mucha. E workshop “ Bo Centro di Cuido Creativo” a enfoca riba e importancia di weganan sensorial den e centro di cuido.
E workshop aki a ser duna door di Everyday Sensory Play cual ta un team di 2 experto den e area di weganan sensorial. Por medio di e workshop aki, e trahadornan pedagogico por ofrece e muchanan diferente actividad den cual nan lo haci uzo di nan sentidonan pa discubri cosnan nobo mientras nan ta “hungando”. Sensory play ta duna e celebro oportunidad pa crea conexion cu e 5 sentidonan (sinti, zonido, bista, holo y smaak) y categorisa nan como por ehempel: “esaki ta hole malo” of “waw, esaki ta sinti bon!”
E workshop aki tabata uno practico y creativo caminda cu e trahador pedagogico a sina e importancia y e benificio di haci uzo di e sentidonan ora di eherce un actividad den nan propio Centro di Cuido. A enfoca riba e teoria tras di Sensory Play, e importancia di hungamento sensorial y con pa incorpora esaki.
Pa clausura a recibi un manual cu ta inclui 5 diferente receta pa por crea “sensory-play activities” den nan Centro.
Cu e manual aki nan por bay bek den nan Centro di Cuido y crea diferente weganan sensorial cu lo stimula e autoestima y conexion cu e sentidonan cu lo tin hopi benificio pa cu e desaroyo di e muchanan.
Un curso exitoso tras di lomba caminda FPNM ta gradici Everday Sensory Play pa nan tremendo instruccion y ta felicita cada trahador pedagogico cu a participa na e workshop aki.
