Centronan cu a participa: Bee Blessed Daycare, Coolkids Naschoolse Opvang, Eiva Conta Storia, Hofi Tobit Daycare, Iris Speelschool, Little Zoo Daycare, Love ‘N Care, Mannan Precioso, Smile & Shine Daycare, Tante Joja Speelschool, Stichting Tiponi Kinderopvang & Villa Kakelbont
Diasabra, 3 di juli, Fundacion Pa Nos Muchanan a brinda un curso practico na trahadonan pedagogico di diferente centro di cuido di mucha. E topico di e curso tabata trata di comunicacion creativo cu muchanan di 0-12 aña.
Durante e curso a brinda informacion tocante desaroyo social-emocional, desaroyo di idioma y desaroyo cognitivo. Ademas a duna splicacion tocante e importancia di tin conocemento di e ‘leefwereld’ di e mucha. A pone enfasis tambe ariba e aspecto cultural y di norma y balornan cu ta varia pa cada mucha.
Participantenan a haya informacion tocante preparacion di un combersacion, pero tambe tecnicanan di haci pregunta na momento di combersa cu un mucha. Tambe a brinda conseho tocante hermentnan cu por wordo uza pa comunica cu muchanan di cada fase di desaroyo entre 0-12 aña. Despues participantenan por a practica tambe y haya feedback instantaneo di coleganan den veld y di intructornan di FPNM.
Fundacion Pa Nos Muchanan ta sumamente satisfecho di con e curso aki a bay y ta felicita cada centro di cuido cu a participa.