SocialLocal

Fundacion pa Talento Musical ‘Donny Laclé’ ta felicita y gradici Carlos Bislip

Entrega Di Certificado

Diasabra dia 14 di november ultimo Carlos Bislip a celebra su di 40 aniversario como musico profesional cu un concierto fenomenal. Tabata un concierto cu esnan cu tabata presente lo no lubida asina facil. Bon zonido, bon harmonia, un bon seleccion di piesa. Y nos a keda cu e pregunta: Na unda Carlos a haya e tremendo bosnan ey?

Fundacion pa Talento Musical ‘Donny Laclé’ cu ta organisa pa mas di binti aña tur ultimo diadomingo di luna e conciertonan dominical, tambe tabata presente. Despues di e palabranan di felicitacion di Ministro di Cultura, Señora Xiomara Ruiz-Maduro, a toca turno pa Joyce Pereira di Fundacion Donny Laclé tambe felicita y gradici Carlos riba su gran dia y pa entreg’e un regalo y un certificado special.

Como musico y docente dedica Carlos pa basta aña caba ta miembro di nos fundacion, specialmente pa yuda nos cu un di nos metanan. Nos ta referi aki na e meta di aporta na desaroyo musical di talento musical hoben na Aruba. Durante cada concierto dominical tin un caha di glas ta pasa rond y esnan presente boluntariamente ta haci un donacion. E suma cu ta recauda di e forma aki ta bay mesora riba nos cuenta di banco. Den e ultimo concierto di aña ta uza e placa recauda aki pa otorga beca pa estudio extra di musica na  studiante sobresaliente di Scol di Musica Rufo Wever. Carlos ta yuda nos no solamente cu nomber di studiante cu ta bin na remarke pa un beca, sino e ta organisa tambe concierto pa recauda extra fondo pa yuda nos yega na un suma substancial. Diasabra durante e concierto di Carlos e caha di glas aki tabata den foyer. Fundacion ‘Donny Laclé’ ta gradici tur esnan cu a pone algo den dje. Si ainda tin hende cu kier haci un donacion pa yuda nos yuda nos talentonan hoben, nos number di cuenta di spaar ta CMB 102347109, na nomber di FOMUTA (For Musical Talent). Masha danki di antemano. Nos ta spera cu den aña 2021 situacion lo permiti nos pa continua cu nos tan popular Concierto Dominical

Carlos Y Su MusicananCarlos BislipEntrega Di Certificado

Related posts

Minister Dangui Oduber: Mas di 1000 persona a registra diasabra pa haya e vacuna. Nos ta bayendo den e bon direccion

EA News Author

FADA a introduci na comunidad di Aruba AMIGODIDI su video mas nobo pa e temporada di fin di aña

EA News Author

Manteniendo na e protocolnan, deporte por cuminsa entrante 7 di november

EA News Author

Leave a Comment

Whatsapp Message