KRALENDIJK, Bonaire
Pa tur hende ta bon na altura kon prepará pa e temporada di orkan, Krus Kòrá ta partiendo foyetonan kas pa kas. Resien miembronan di Krus Kòrá a pasa tambe serka gezaghèber Rijna pa entregá e foyeto akí tokante preparashon pa orkan. Eilandsecretaris Gabriel van Arneman kende ta e kordinadó di kalamidat tambe a haña un di e foyetonan for di man di señor Marciano Silberie ku ta mènedjer di Krus Kòrá.
Huntu ku e foyeto tokante preparashon pa temporada di orkan Krus Kòrá ta parti tambe e foyeto di vírùs di corona ku Gobièrnu di Boneiru a laga traha. Banda di esei gobièrnu a pone e foyeto tokante orkan ku a parti na tur kas aña pasá riba e website bonairegov.com. Pa ta bon na altura kiko ta pasando durante un temporada di mal tempu ta pidi tur hende ku un telefòn selular pa instalá e app ‘Disasterprep Bonaire’. Den e foyetonan tin informashon kon anda ora un situashon di mal tempu presentá.
Teksto pa bou di e foto:
Den e foyeto ku gezaghèber Rijna i eilandsecretaris Van Arneman a haña di Krus Kòrá tin diferente tep balioso kon prepará pa temporada di orkan ku a kuminsá promé di yüni i ta dura te ku 30 di novèmber.