BonaireFeaturedInternacional

Gezaghèber Rijna ta boga pa solidaridat den e lucha kontra kambio di klima

Gezagheber Rijna

Na lansamentu di Pènel Internashonal tokante Dèlta i Áreanan di Kosta (IPDC) na e Konferensia tokante Awa di Nashonnan Uní na New York, gezaghèber Edison Rijna a boga pa islanan chikitu haña mas sosten di paisnan grandi pa protehá nan mes kontra e impakto di kambio di klima.

El a mustra ku islanan ta esnan ku ménos ta kontribuí na kentamentu di mundu, pero ta e proménan i hopi biaha esnan mas afektá pa e konsekuensianan negativo, entre otro den forma di wer mas ekstremo i subida di nivel di laman. Komo oradó invitá, Rijna a bisa ku e ta aploudí di kurason lantamentu di IPDC, un inisiativa di Reino Hulandes ku ta yuda prepará konseho konkreto pa adaptashon di klima. Meta ta pa paisnan bai adaptá na mes mihó na kambio di klima. E plataforma ta un kolaborashon entre pais, institushonnan di konosementu i instansianan finansiero ku ta enfoká riba awa i kambio di klima. Danki na e inisiativa por interkambiá di konosementu na mes momentu ku vários instansia (sientífiko) pa ataká problemanan riba tereno di awa i klima. Via bankonan di invershon tin medio disponibel.

Ta promé biaha ku Boneiru por a presentá su mes asina prominente na e nivel di Nashonnan Uní, na kua 193 pais ta afiliá. Na dos okashon a invitá gezaghèber Rijna pa hiba palabra. Entre seshonnan, el a papia ku e.o. koleganan di otro isla, komisario di klima prens Jaime de Bourbon de Parme, komisario di awa i eksperto di inundashon Henk Ovink, i ministernan Liesje Schreinemacher (Komersio Eksterior i Kooperashon pa Desaroyo i Mark Harbers (Infrastruktura i Maneho di Awa).

Foto Ipdc

Related posts

British Airways lo bula pa Aruba entrante 2023

EA News Author

Prome Minister Evelyn Wever-Croes: Discurso transpaso di mando pa prins y pancho 2023

EA News Author

Minister Dangui Oduber : 29% di esnan cu no ta vacuna riba 18 aña ta causante di 82% di tur esnan cu ta hospitalisa

EA News Author

Leave a Comment

Whatsapp Message