Awe parlamentario Gino Goeloe kier mas sociale werkster na scolnan pero su persona prome cu a bira parlamentario tabata den board di SKOA y no a haci nada pa logra pa scolnan na Aruba tin sociale werkester. Contradictorio of no ?
Drenta politica pa traha of drenta politica pa mas placa dos cos cu ta contradictorio cu otro , pero traha na beneficio di Aruba ta un trabou cu mester traha cu curason pa Aruba, politiconan di FUTURO Realmente ta haci esaki ?.
Den un entrevista ultimo cu parlamentario Gino Goeloe a haci den media a laga hopi hende sorprendi. Redaccion di EAnews a haya diferente yamadanan y hasta personanan hopi rabia cu con por ta cu un persona cu ta den board di SKOA cu supuestamente mester traha na bienestar di scolnan y ta conseha SKOA riba maneho pa scolnan na Aruba no a traha pa scolnan na Aruba tin sociale werksternan na scol. ‘
E pueblo basta hostina cu e comentario aki y e pregunta cu ta keda haci , berdaderamente Parlamentario Gino Goeloe di partido FUTURO lo sirbi Pais Aruba? Si den SKOA pa añanan largo sinta den Board no a logra e simpel meta aki. Ken kier tuma haci y of gaña? Asina e yamadanan furioso na nos mesa di redaccion a indica.
Sinembargo no ta den bestuur di SKOA so e ta , pero den 3 mas y na mes momento tabata fungi como director di Witgele Kruis. Awe a haci un stap mas pa ta den politica y a bira miembro di parlamento di Aruba treciendo un punto di preocupacion cu tempo cu e por a resolve den bestuur no a haci esaki.
Nos grandinan ta bisa Aruba ta riba su cabes, Betico Croes tabatin rason Materialismo a vende idialismo?