E representante di Aruba Ariba Tours, Jimmy Douglas, a pone un punto importante riba mesa: e necesidad urgente pa un dialogo entre e gremio comercial di “off-road” ATV y UTV y e stakeholdernan concerni.
Segun Douglas, tin un inkietud y dolor sinti den e sector. E pregunta central ta: con nos por crea un balanse entre e preservacion di nos naturalesa y e operacion di e gremio comercial?.
E postura di e gremio
E sector di “off-road” na Aruba no kier confrontacion. Al contrario, nan ta buscando un caminda pa traha hunto. “Nos no ta un grupo pasivo,” Douglas a enfatisa.
E falta di dialogo: Douglas a señala cu sin un dialogo estructurado, no ta resta otro opcion cu di hiba un caso contra personanan of busca otro caminda pa defende nan derechonan.
E kier un solucion: Comerciantenan di ATV y UTV tin un “mapa pinta” for di 2019, cu ta sirbi como base pa sugerencia pa un reforma. E gremio ta consciente di e necesidad di cumpli cu reglanan pa no pone presion riba e medio ambiente.
E gremio no ta busca pa kibra Aruba, sino pa traha den un ramo di “conoce nos parke” unda cu nan por opera den un forma responsabel, conservando 90% di e naturalesa y dedica 10% pa e actividad comercial.
E mensahe ta cla: e sector ta habri pa discuti e futuro di e industria di “off-road” na Aruba, buscando cooperacion en bes di conflicto. E “Aruba Bunita” cu tur hende ta desea, ta posibel si e gremio y autoridadnan por yega na un consenso riba un modelo di operacion sostenibel cu ta benificia ambos partido.
E dialogo ta falta. E comunicacion ta ey, pero e ta bira mas tanto di, memey Luna, boso ta paga boso BBO, fin di luna boso ta paga boso balasting, boso social premis, esey ta e comunicacion cu nos ta hayando, pero nos no ta hayando manera, kico ta boso inkietud, kico ta boso dolor nan, con nos por yuda crea e balance entre preservacion di naturalesa y gremio comercial. Y esey ta e cos cu ta falta. Y awor, bin scucha awor, cu nan ta hayando sa un rato, si ta bay tin dialogo, si of no, of si kico ta bay bira e siguiente stap.
Pero na dado momento, si no ta duna nos oido y no ta duna nos e informacion cu nos mester, y boso ta bira cera di caminda riba nos. Sin dialoga, no ta resta nos nada pa bay entama un caso contra gobierno di Aruba, of busca otro stap nan, pa busca nos derecho. Pasobra, pa paga balasting so, nos no ta bay sirbi.
Awor, boso tin un opcion di kico boso tin solucion?
Nos tambe ta cansa di hende cu no ta cumpli cu regla, y cu ta pone presion riba medio ambiente. Un Aruba bunita, ta bon pa nos tambe. Nos no kier kibra Aruba, pasobra kico nos ta bay bende e ora enan? Kiermen nos tin e mesun proposito, nos tur kier wak Aruba bunita, cu na dado momento si boso duna nos e chance di operate, dentro di un cierto ramo di con nos por bay, esey ta e unico cos cu nos ta pidi. Coy no 90% conserva pa naturalesa, pero laga 10% pa nos pa sigui ofrece servicio na turistanan.