Movemento causa prome cu nochi di protesta stop di trapa yiu di Corsou. Dialuna 8 di december “Movementu Kousa Promé” ta invita pueblo di Corsou na un anochi di protesta. Un anochi caminda ciudadanonan perhudica y expertonan lo duna informacion di e maneho denigrante cu falta di respet di gobierno di Corsou.
Stranheronan y inversionistanan cu gran capital ta haña tur privilegio riba nos patrimonio natural. E maneho di permit, tereno, playa y Costa ta stranhero prome, placa despues y por ultimo yiu di tera. No ta corda riba nos yiu y ñetunan. Acudi pa bo tende kico ta pasando cu permit pa negoshi, benta di tereno, playa y costanan di Corsou. Bin pa intercambia y fiha posesion. No por sigui asina aki.
Ciudadanonan cu a y ta pasando den experencia amargo lo t’ey pa splica y duna informacion. Gobierno kier haci Corsou un perla den Caribe. Perla pa ken? Perla pa stranhero cu gran capital. Cada proyecto di desaroyo di gran capital ta na fabor di stranhero.
Riba e anochi aki pueblo ta bira mas sabio di loke ta pasando cu nos propiedad y bira consciente di kico nos ta perde si nos no cambia nos manera di maneha nos teritorio y nos rikesanan. Bini y laga bo bos di protesta resona. Nos no ta acepta abuso contra yiunan di e pueblo aki mas.