BonaireFeaturedInternacional

Tourism Corporation Bonaire ta lansa Proyekto di Inovashon Turístiko ku chèns pa gana $ 10.000

Tourism Corporation Bonaire Ta Lansa Proyekto Di Inovashon Turistiko

Awe ta marka un paso importante padilanti den dunamentu di forma na futuro di Boneiru su sektor turístiko, awor ku Tourism Corporation Bonaire (TCB) durante un konferensia di prensa ku orguyo a anunsiá lansamentu di e Tourism Innovation Project – Proyekto di Inovashon Turístiko. E inisiativa inovativo akí ta un laso di kolaborashon entre TCB i Kámara di Komèrsio (KvK) komo parti di e MOU ku nan a firma konhuntamente. E inisiativa akí ta nifiká komienso di un era nobo di eksperensia turístiko. TCB ta invitá tur vishonario, inovador, empresa i organisashon pa forma parti di e trayekto transformativo akí.

E Proyekto di Inovashon Turístiko ta un invitashon pa reimaginá, reinventá i redefiní turismo na e Boneiru ku nos stima. Ku un vishon oudas den mente, e proyekto ta trata na deskubrí konseptonan inovativo ku lo transformá e manera ku nos bishitantenan ta eksperensiá nos isla.

Empresarionan aspirante, kompanianan establesé i interesadonan pashoná tur ta bon biní pa partisipá. Sea ku bo tin un idea ku awor akí ta hañando forma òf bo tin un konsepto bon desaroyá i ku ta kla pa keda eksponé, e Proyekto di Inovashon Turístiko ta e plataforma pa fortifiká bo vishon i kontribuí na kresementu di nos sektor turístiko lokal. 

Despues di nan registrashon e partisipantenan ta kuminsá ku un tayer obligatorio ku a keda hinká den otro pa refiná nan ideanan i pa mehorá nan abilidat di presentashon. E fase akí ta forma e base pa e gran final: un evento den estilo di un ‘Shark Tank’. Un komishon di ekspertonan i profeshonalnan lokal lo evaluá kada proyekto i su potensial impakto. E ganadó final ta haña un invershon remarkabel di $ 10.000 pa yuda duna bida na nan konsepto  turístiko vishonario.  

Registrashon pa e proyekto ta habrí awor akí i nos ta urgi tur kandidato ku ta interesá pa tuma akshon rápidamente. E trayekto ta kuminsá ku yenamentu di e formulario di registrashon, na kua ta añadí dokumentunan esensial, manera un sédula, un CV òf un resúmen personal i un karta di motivashon den kua bo ta splika e idea ku bo ta proponé. E dokumentunan akí lo sirbi komo base pa evaluashon di potensial di kada kandidato pa duna forma na futuro di e paisahe turístiko di Boneiru.

Miles Mercera, direktor di TCB, a bisa: ‘Inougurashon di e Proyekto di Inovashon Turístiko ta un prueba di nos konfiansa kolektivo den forsa di inovashon pa duna turismo na Boneiru un mihó futuro i nos aspirashon ta pa hasi uso di e abilidatnan i medionan ku ta inherente na nos isla pa logra e meta akí.’ 

Mirando eksklusividat di e espasionan ku ta disponibel, urgensia di e oportunidat akí ta krusial. Nos ta enkurashá kandidatonan aspirante fuertemente pa entregá nan aplikashon promé ku 14 di sèptèmber 2023 pa sigurá e lugá ku nan tin derecho riba dje den e proyekto transformativo akí. 

Pa informashon amplio i pa entregá bo aplikashon, bo por akudí riba:  

https://bonaireisland.com/tip/ 

Pa mas informashon tuma kontakto ku nos via marketing@bonaireisland.com òf yama: 

717 – 8322.

Tip Flyer

Related posts

Rotterdam celebrando dia di Rey despues di dos aña cu no tabata posibel

EA News Author

Lider di AVP, mr. Mike Eman: Gabinete Wever-Croes ta devastador pa e porfenir di Pueblo Ta ora pa bolter cos!

EA News Author

Caso incinerator Parkietenbos: ciudadano ta bolbe gana caso contra gobierno

EA News Author

1 comment

Leave a Comment

Whatsapp Message