Gobierno di Aruba mester respeta e rol fundamental di Parlamento y no por pasa riba e institucion legislativo bisando cu no lo contesta preguntanan di parlamento. Asina ta e posicion expresa riba e importancia di mantene transparencia y responsabilidad den gobernacion.
Segun lo a wordo indica, Raad van State tabata hopi cla cu Gobierno ta e organo cu ta formula palabracionnan y maneho di pais. Sinembargo, pa logra un proceso democratico corecto, Gobierno mester presenta e plan nan aki na Parlamento, pa e parlamentario nan por haci nan preguntanan necesario riba e decisionnan y direccion di maneho cu gobierno ta desea. No lo contrario manera ta sosediendo na e momentonan aki cu e gobienro di AVP-FUTURO
Den e contexto aki, ta subraya cu ora Parlamento ta formula preguntanan, e minister nan tin obligacion di duna respueta cla y oportuno. E dialogo entre Gobierno y Parlamento ta un parti esencial di e sistema democratico y ta garantisa cu tin control y supervision riba e accionnan di gobierno.
Tambe ta wordo enfatisa cu no ta aceptabel pa minister nan argumenta cu nan no tin tempo pa asisti na Parlamento of pa contesta preguntanan formula door di diputado nan. Parlamento di Aruba tin e responsabilidad di representa e pueblo, y pa e motibo ey ta merece tur cooperacion necesario pa por ehecuta su trabou di control y fiscalisacion di Gobierno. Tampoco segun statuto gobierno no por dies manda un consepto di ley na RMR y RMR no por acepta un concepto di ey sin un consenus.