E siman cu a pasa, mi tawatin e honor di fungi, ya pa varios aña, como e maestro di ceremonia di e graduacion di Little Bird speelschool na Paradera. Un total di 21 mucha chikito di rond di 4 aña a ricibi nan certificado. E hobencita Clayrienne Wolff di 4 aña a interpreta e himno di Aruba na un forma unico y e Dj tawata Marlon. Danki ta bay na juffrouwnan Rulia, Charline, Geraldine, Ari, Meentje, Angelique y sigur Tia Lienchie pa e guia y cariño brinda na tur e chikitonan di cual mayoria tawata di baby cerca nan. Invitado special tawata juffrouw Angie. Danki ta bay pa e grupo di baile Dazzling Dancers di Janique de Palm.
Algun kleuterschool cu e grupo lo ta acudiendo siguientemente ta Trupial kleuterschool, Scol Preparatorio Washington, Scol Preparatorio Nos Paraiso, Scol Preparatorio Aurora, Ayo kleuterschool, Scol Preparatorio Kudawecha, Agnes kleuterschool, Scol Preparatorio Conrado Coronel y Mon Plaisir kleuterschool.
