Gobierno di Sint Eustatius a organisa e ‘Harbour Contracts Signing’ y e inauguracion di e boto di busca y rescate (SAR) Nora na e Boardwalk, marcando un paso significante den reconstruccion di waf y siguridad marino di e isla.
E programa a habri cu un introduccion, sigui pa un discurso formal di funcionarionan cu a enfatisa e importancia di e trabounan na e waf y e cooperacion fuerte cu ta impulsa e desaroyo di e infrastructura di Sint Eustatius.
Durante e evento, Gobierno di Sint Eustatius a firma contract cu Statia Roads & Construction y cu Ballast Nedam International Projects (BNIP) Early Works Agreement. E acuerdonan aki ta forma partinan critico di e Harbour Project y ta reafirma e compromiso di e Gobierno pa fortalece e capacidad operacional, proteccion di costa y e resilencia economico na largo plazo.
E ceremonia a sigui cu e inauguracion di e boto di rescate nobo yama Nora. Durante e segmento aki, oradornan a refleha riba e importancia di e boto pa e cumunidad, incluyendo un homenahe di e casa di e defunto Leonora Sneek- Gibbs, cariñosamente conoci como “Nora”, den kende honor e boto ta carga su nomber. E gobierno a presenta un carta di aprecio pa reconoce e contribucion na e iniciativa. E boto a ricibi un bendicion formal prome cu e gobierno a encarg’e den servicio como parti di e capacidad di reaccion di emergencia di Sint Eustatius.
Disponibilidad di e boto di buskeda y reskate ta esencial pa cumpli cu rekisitonan internacional di seguridad di aeropuerto y waf di Sint Eustatius, sugurando e cumplimento cu e exigencianan global pa preparacion di emergencia marino y aviacion.
E ocasion a termina cu palabranan di gradicimento pa tur e partnernan y esnan presente, sigui pa un recepcion na e Boardwalk. E secuencia di e actividadnan a pone enfasis riba e compromiso continuo di gobierno di Sint Eustatius pa fortalece e infrastructura esencial, mehora e siguridad publico y promove e agenda di desaroyo di e isla.
Press release: Entidat Publico Sint Eustatius
