Homber a keda detene pa trata di drenta St Maarten cu documentonan falso

Na aeropuerto di St Maarten un homber di inicialnan R.L.G cu a bin cu un vuelo di Sto Domingo kier a drenta St Maarten cu documentonan falso di residencia franses. E Alpha Team di Aeropuerto a detene e homber y despues a pasa esaki pa e agentenan di St Maarten pa mas investigacion. Alpha Team ta un grupo multidisiplinario cu ta traha conhuntamente cu Polis di St Maarten, KPSM, Aduana, Inmigracion, Guarda Costa y militarnan real. Detencion a tuma luga y awor lo cuminsa cu investigacion riba e caso aki.