Detencion a cay na aeropuerto siman pasa diabierna unda cu un homber cu a yega di un biahe cu algun kilo di marihuana den su poder. Esaki pa e leynan di Aruba no ta permiti. Cacho di Douane a pone man riba dje y a atende cu e homber mesora Na momento cu a haya Bingo a avisa e departamento di droga cu tambe a presenta y tuma e sospechoso over pa interogacion.
Mirando tur e accionnan cu tin ultimamente riba lama cu Kustwacht ta haci y ta dal e mundo di droga basta duro no ta un secreto cu actualmente tin un scarsedad grandi di marihuana na Aruba.
Tambe a cara varios lote cu boto y hendenan local cu a purba drenta via beachnan, e scarsedad a bira mas grandi ainda y esaki ta pone cu ta purba di otro forma manera na aeropuerto. Sinembargo e controlnan na aeropuerto ta mas fuerte y detencion a cay. E investigacion rond di e sospechoso aki tabata pa yega na esunnan local tambe cual droga a bin pa nan. E investigacion pa combatimento di droga ta sigui na Aruba.
