E temporada di horcan ta andando y Caribe lo haya e efecto di esaki. Aunke cu e horcan Beryl no lo pasa riba Aruba y cu no tin un peliger pa Aruba, por bisa di cu Aruba lo haya su efectonan mirando cu e horcan ta pasa den bisindario y e ta haci efecto na e islanan den Caribe. Por mira algun imagen na Baby Beach cu tin actualmente y ya caba Aruba por cuminsa sinti e efectonan. E horcan Beryl a bay cu e awa completo di Baby Beach y esaki ta un di e impacto cu e horcan ta haci awe mainta na Baby Beach. Sinembargo e no ta nada pa bira alarmante pero si e ta un proceso di naturalesa cu nos tur tin cu tene cuenta cu ne. Importante ta pa sigui e proceso di informacionnan y boletinnan di Meteo Aruba pa asina bo por ta na altura y actua dibiaha si tin botonan pa saca for di awa.
