E debate riba e Rijkswet Aruba financieel toezicht (RAft/HOFA) a drenta un fase critico. Durante un manifestacion recien, Sindicato nan a manda un mensahe fuerte pa e coalicion AVP-FUTURO y e gobernantenan di Reino, mientras cu Staatssecretaris Eric van der Burg a priminti di hiba e preocupacionnan di e trahadonan bek Hulanda.
“Nos por haci esaki sin un Rijkswet”
Jose Figaroa , lider sindical di FTA, a enfatisa cu e lucha actual ta un asunto di principio democratico. Segun Figaroa, e pueblo trahado no ta acepta e Rijkswet HOFA pasobra esaki ta afecta e autonomia di e pais. “E descontento cu ta reina ta un señal cla cu e caminda cu ta wordo cana aworaki no ta esun corecto,”
E sindicato a presenta nan posicion por escrito dilanti Parlamento, argumentando cu Aruba a demostra caba pa 10 aña cu e por maneha su finanzas via leynan local (landsverordeningen) sin necesidad di intervencion directo di Reino. Figaroa a haci un yamada pa “tuma conciencia” y pa e bos di pueblo wordo scucha prome cu tuma decisionnan cu ta compromete e futuro di e pais. Aruba tin un porcentahe halto ta pagando door di e mal maneho di AVP anterior, pero tambe door di e prestammo di COVID cu tabata un pandemia cu eingelijk den statuto ta poni cu na momento cu e islanan den Reino confronta nan mes cu problema mester yuda otro , esaki Hulanda no a cumpli cu ne pero a castiga Aruba na un porcentahe halto cu awe kier exigi un Rijkswet y no a trata Aruba cu respet manera na varios ocacion ta papia den diferente speech nan, nos mester traha cu otro y yuda otro , den practica esaki no ta sosode mirando e caminda cu Rijkswet HOFA ta canando, pero awe kier hustifica cu e Rijkswet HOFA ta pa Aruba haya un porcentahe di rente mas abou.
Eric van der Burg: “Tur cos ta bespreekbaar”
Den un combersacion directo cu e manifestantenan, Staatssecretaris Eric van der Burg a splica e motibonan pakico Hulanda ta keda pusha pa e Rijkswet. Segun e mandatario, e ley aki lo permiti Aruba fia placa na un interes hopi mas abou, locual lo nifica un sparmento di rond di 6 miyon pa aña pa e caha di gobierno.
Aunke e ley ta na Raad van State caba pa conseho, Van der Burg a reconoce e descontento. El a recorda cu, maske e gobierno actual y esun anterior a duna nan consenso den Rijksministerraad, “circunstancianan por cambia”. El a compromete su mes na hiba e mensahe di e sindicatonan bek Hulanda, indicando cu e porta pa dialogo no ta cera legalmente.