E topico di Rijkswet mester bin riba mesa debi cu e 916 miyon florin cu Aruba a presta di Hulanda cu a keda duna den tempo di pandemia , Hulanda kier exigi di Pais Aruba na e momentonan aki pa paga e debe cu un interes halto , un placa cu Hulanda a presta na 0% kier exigi Aruba pa paga na 6.9% sino firma e Rijkswet.
Aki ta caminda cu Hulanda a pone Aruba lomba pa muraya y e decision di Prome Minister e tempo ey tabata duro, pero su pueblo tabata mas importante unda cu tabatin mas cu 5 mil tata di famia sin trabou , kico ta e miho decision pa haci ?
Tambe tabatin un hospital cu tabata yenando di personanan cu a haya COVID , cu tabatin mester di placa pa salba bida di hende. Kico ta e postura cu mester a tuma? tabata momentonan dificil pa prome minister Evelyn Wever Croes.
Tur e presion aki tabata tin riba Prome Minister Evelyn Wever Croes y tabata biba na Aruba e tempo ey. Sinembargo e pueblo di Aruba ta na prome luga y obligatoriamente Aruba mester a bay den negociacion cu Hulanda pa esunnan cu a perde trabou y esunnan cu tabatin mester di cuido medico por a sobrevivi e tempo ey. Pa e motibo aki a presta 916 miyon na Hulanda. si no tabatin COVID Aruba no lo mester a pidi Hulanda nada.
Sinembargo mirando e necesidad cu Aruba tabatin e momento ey , tog Hulanda a dicidi di no respeta e statuto y a trapa riba esaki , trapando tratadonan y ley cu nos tur mester mantene nos mes na dje, esey ta e ehempel cu Hulanda a duna y ta dunando.
Pa via di un parlamentario den Tweedekamer a manda un mocion na gobierno di Hulanda e tempo ey y bisa cu nan kier exigi pa Aruba paga atrabes di un Rijkswet. Aruba nunca tabata diacuerdo cu esaki y te cu awe no ta di acuerdo cu loke Hulanda a bin cu ne.
No ta un secreto cu den statuto Articulo 36 ta bisa bon cla cu nos den Reino mester sostene otro den momentonan dificil y den pasado pais Aruba a practica esaki caba cu Hulanda na momento cu Hulanda tabatin mester di e sosten di Aruba y awe na momento cu Aruba tin mester di e mes un steun ey cu a duna Hulanda atrabes di e statuto articulo 36 aki Hulanda ta scoge pa pone un presion riba Aruba y castiga Aruba enbes di yuda Aruba manera nan ta papia , pero nan actonan ta diferente.
Loke cu Hulanda ta haciendo na e momentonan aki ta eroneo unda cu ta scoge pa presiona Aruba di tal manera pa paga bek un debe cu Aruba por paga , Aruba ta dispuesto pa paga y Aruba a bay di acuerdo pa paga bek. Sinembargo Hulanda ta scoge pa pone presion riba Aruba cu interes halto y ta exigi cu solamente si Aruba bay di acuerdo cu e normanan y e pensamento nan di autoridad cu nan ta exigi, manera a ser bisa den parlamento un exigencia manera Hotel California, unabes cu drenta aden no lo por sali mas e ora ey Aruba ta haya un interes mas abou. Esaki ta e wega cu Hulanda a hunga cu Aruba.