Parlamentario Hendrik Tevreden ta duna di conoce cu e pueblo di Aruba mester pensa bon si kier e interes mas abou y no dies pa bisa cu Aruba a haya interes mas abou pa haci nechi, y e consecuencianan ta devastador pa Aruba.
Tipo di negociacionnan asina politico nan mester ta serio y mester ta consciente cu popularidad pa pinta bon no ta importante awor aki , pero e echonan y e consecuencianan di mal decision y of solamente decision pa luci bon cara pafo , pero crea un daño enorme pa futuro generacion y politica na Aruba.
Sea ta scoge pa pone slinger of balo pa mustra bunita cu a para e porciento, of ta dispuesto pa para pa e autonomia cual ta e rason principal cu awa Aruba ta e Pais cu e ta den Caribe prospero avansando y innovativo manera cu e ta actualmente.
Fraccion di MEP tin e p[posicion cu ta para pro pa mantene e autonomia di Aruba intacto , continua na mesa di negociacion cu Hulanda y e rason pa esaki ta pa Hulanda lanta su sentido comun y realisa cu a fia Aruba den un momento di pandemia y por cobranan bek. Loke cu ta bon cla cu Aruba no a pidi placa pornada y a ningun momento a bisa Aruba cu e kier placa pornada manera cu fraccion di AVP ta bisando.
MEP kier paga e debe bek , pero sin tur e normanan y presion nan inaceptabel cu ta pone riba Aruba cu no ta necesario. Segun Parlamentario Hendrik Tevreden si Aruba ta fia na Merca , na mercado internacional tur tempo pa mas di 39 aña caba sin ningun di e rekisitonan cu Hulanda ta exigi na e momentonan aki, dicon diripiente awor aki Hulanda kier bin exigi di Aruba tur e rekisitonan cu realidad ta choca Aruba pa por paga bek e 916 miyon florin cu a presta den e temporada di pandemia e temporada cu mas duro Aruba a pasa den dje.
E trato cu Hulanda ta duna Aruba no ta husto y fraccion di MEP ta kere para contra di esaki y ta keda bisa gobierno di Aruba sigui negosha cu e proposito cu e sentido comun cu Hulanda por lanta den e negociacionnan aki y bisa cu e debe aki tin cu wordo paga den un interes mucho mas miho y sin tur e rekisitonan cu ta riba mesa na e momentonan aki.
Ta di lamenta cu Hulanda ta keda hunga wega di schaak hancho pa mi smal pa bo y ta keda practica sclavitud den un otro bachi, aunke cu un banda a pidi despensa met een comma cu te dia di awe no a splica y duna clarificacion di esaki.