Hurista Jaybert Dijkhoff riba anochi di informacion ta duna di conoce cu e pashentnan a trece hopi ehempel di nan preocupacionnan padilanti. Pa por duna un ehempel informacion di kico ta pasa na un dokter di cas unda cu tin masha hopi pregunta riba e rol di un dokter assistent na un dokter di cas. Kico ta e informacionnan cu por bay , privacidad, opleiding di e dokter assistent , kico ta e trabaonan di e dokter cu e dokter ta delega na e dokter assistent y kico ta e responsabilidad nan di cada uno, ta preguntanan cu cada bes ta bin padilanti.
Sinembargo loke ta un realidad ta tambe cu tin hopi presion riba e prome liña y casi tur dokter di cas tin mas cu 3 mil pashent registra cerca nan, pero tambe tin e parti di limitacion finansiero unda cu tin hopi retonan. Pero na mes momento e pashent nan kier acceso lihe na nan dokter di cas y no ta tur ora esey ta posibel unda cu e ta crea cierto tension y preguntanan.
Hurista Jaybert Dijkhoff ta kere cu e comunicacion ta hopi importante , porehempel pashentnan no a keda informa kico nan ta spera di nan dokter di cas y di personanan cu ta traha den oficina di nan dokter di cas.
Un di e kehonan ta cu na momento cu ta yama pa un cita, e persona na e oficina ta puntra kico ta sinti y e pashent no ta compronde pakico y dicon e persona cu ta tuma e telefon ta puntra e preguntanan ey cu den nan parecer ta preguntanan cu lo mester contesta na su dokter di cas.
Sinembargo e pashent tampoco no tin culpa di no ta na altura di sa kico ta e rol di e preguntanan pa asina haya sa kico ta e urgencia di e cita y con lihe por haya e cita cu dokter. Hopi persona no kier contesta y kier dies un cita cu su dokter di cas. Segun Jaybert Dijkhoff ta constata cu falta di informacion ta hunga un rol y e comunicacion na direccion di e pashent. Con e pashent ta haya informacion cla y clave prome cu nan mester bay busca informacion na nan dokter di cas cu tambe ta ocupa na duna cuido.
Tin varios punto cu sigur ta di atencion cu lo mester pone riba agenda pa por papia cu gobierno pa asina como pais sigui traha riba dje na bienestar di tur pashent aki na Aruba.
Lamentablemente na Aruba no tin un organisacion di pashent ainda, aña pasa fundacion SIKI a lansa e prome plataforma pashentnan di Aruba cu ta e concepto , e aña aki a lansa e buki cu ta e coleccion di derechonan di pashent y tambe ta haci promocion na tur e centronan di bario pa comunidad di Aruba ta na altura di kico e derechonan ta encera, pero manera ta splica den tur charla y den e buki tambe e no ta suficiente. Aruba falta hopi ley y regla pa traha riba dje, pero tambe falta un organisacion cu ta representa e pashentnan.
Ya cu ta bay tin un instituto di calidad mescos cu Hulanda tin e triangulo cu ta e instancianan di cuido, seguronan di cuido cu e organisacion di pashent hunto lo dialoga riba tur maneho,tur ley , tur loke cu tin di haber cu pashent.
Ta di lamenta y ta hopi straño cu awendia te ainda na Aruba no tin ningun caminda, ningun organisacion cu ta informa e pashent di kico ta bin next. Sinembargo awo ta trahando y lo lansa un plataforma unda cu ta bay tin un organisacion di pashent , pa pashent cu ta bay ta e wowo y e boca di e pashent y e presidente lo keda apunta door di e pashent nan unda cu lo haya un asiento na instituto di calidad pa papia riba e preocupacionnan di e pashentnan y e idea ta pa pone e pashent mas central unda cu ta eleva e voz di e pashent y na unda cu e pashent ta mas central den su cuido unda cu e ta hisa siguridad,hisa e calidad di cuido y automaticamente e servicio y calidad tambe ta hisa.
Pa esunnan cu ainda no a presenta na e prome dianan di informacion , e siguiente anochi lo ta diaranson 31 di mei na centro di bari playa pabao pa 7or di anochi. Tur hende ta invita pa bin haya sa mas di nan derecho como pashent. Esunnan cu no sa su derecho ta mes cos cu e no tin derecho, Hurista Jaybert Dijkhoff a termina bisando.
1 comment
[…] Source link […]